Diyarname
"Masumiyet Muzesî" ya ku nivîskar Orhan Pamuk par vekir bû berendama "Dîzayna Herî Serketî ya Salê". Ev pêşbazî li Londona Îngilistanê tê lidarxistin.

Xwediyê xelata Nobelê ya Wêjeyê Orhan Pamuk romana xwe ya bi navê "Masumiyet Muzesî" nivîsandibû tiştên di romanê de derbas bûbûn li ser wan muzeyeke vekir. Navê muzeyê jî danî "Masumiyet Muzesî" (Muzeya Mehsûmbûnê). Li Londonê Muzeya Dîzyanê her sal b inavê "Dîzayna Herî Serketî ya Salê" pêşbaziyeke dide dest pê kirin. Îsal "Masumiyet Muzesî" ya Pamuk jî bûne berendam.

Ji aliyê mîmarî, moda, graîk, berhem, ragihandin, mobîlya û dîjîtal de berhemên herî serkekî wekî berendamên dîzayna serketî têne nîşandayîn û ew berhem di navbera 20'ê adarê û 7'ê tîrmehê de li Muzeya Dîzaynê ya li London^ğe pêşkêşî temaşevanan dikin. Encamên pêşbaziyê jî di meha avrêlê de eşkere dikin.

Masumiyet Muzesî ya Pamuk jî di warê "Dîzayna Mîmarî ya Herî Serketî" de berendam e. Di vî warî de avahiya herî bilind a li rojavayê Ewropayê "Shard" ku li Londonê ye, Navenda Hunerê ya Metropolîtan a li Belfastê, Muzeya Hunera Hemdem a li Cleveland û Parka Çan Azadiyan a li New Yorkê wekî berendam nîşan dane.

Muzeya ku li ser objeyên di romana "Masumiyet Muzesî" de hatiye avakirin di warê xwe de li dinyayê yekemîn muzeyeke bi vî rengî ye. Di romanê de evîna Kemal û Fusun heye, di vê muzeyê de jî amûrên ku wan bikar anîne cih digirin.