Diyarname
Notên hevdîtina heyeta BDP'ê û Abdullah Ocalan eleqe dît. Rojnameya Milliyetê bi refleksên rojnamegerî notên hevdîtina (23.02.2013) heyeta BDP'ê (Pervin Buldan, Sirri Sureyya Onden, Altan Tan) û Rêberê PKK'ê Abdullah Ocalan weşand. Rojeke piştî vê hevdîtinê rojnameyan ev nûçeya Milliyetê kir manşeta xwe. Qunciknivîskarên rojnameyên tirkan jî gelek cih da van notên hevdîtinê.
Di rojekê de (roja 2'yê adarê) ji rojnameyên Hurriyet, Milliyet, Vatan, Star, Yeni Şafak, Radikal, Zaman û Cumhuriyet bi giştî 26 qunciknivîskarî li ser van notan quncikê xwe xemiland.

Ji Hurriyet Ahmet Hakan û İsmet Berkan; ji Milliyetê Fikret Bila, Hasan Cemal, Guneri Civaoğlu, Can Dundar û Fuat Keyman; ji Vatanê Gungor Mengi, Reha Muhtar, Okay Gonensin û Can Atakli; ji Starê  Fehmi Koru, Ahmet Kekeç û Taha Kivanç; ji Yeni Şafakê Salih Tuna û Yasin Aktay; ji Radikalê Murat Yetkin; ji Zamanê Turan Alkan, Mehmet Kamiş û Şahin Alpay; ji Cumhuriyetê Cuneyt Arcayürek û Hikmet Çetinkaya; ji Tarafê Oral Çalişlar, Demiray Oral, Erol Katircioglu, Roni Margulies, quncikên xwe ji bo van notan veqetandin û nirxandin.

Her wiha ji rojnameyên çepgir Evrensel, Bîrgun, Sol, dîsa Ozgur Gundemê jî bi têra xwe cih da meseleyê ku mirov qunciknivîskarên van rojnameyan jî lê zêde bike hejmara qunciknivîskarên li ser meseleyê sekinîne bi ser 30'î dikeve.

***

Nûçeyên eleqedar:

- Heyeta BDP-KCD'ê bi Karayilan re hevdîtin pêk anî

- Pervin Buldan ji Ocalan çi xwest?

- Ocalan: Ev hevdîtin gavekî dîrokî ye

- Ocalan kîjan rojnameyan dixwîne?