Diyarname
Tîma Şaredariya Bajarê Mezin a Amedê "Diyarbakir BB" îro li sehaya xwe bi Van Belediyesporê re lîst. Diyarbakir BB'yê bi gola Samet Yeniceli Van BelediyeSpor 1-0 têk bir û lîderiya xwe dom kir.

Maça Diyarbakir BB û Belediye VanSporê li Stada Seyrantepeya Amedê hate lîstin. Nîveka yekemîn a maçê bi 0-0 bi daw3i bû. Di nîveka duyemîn de Diyarbakir BB'yê bi hemû hêza xwe êrîşê Belediye Vanê kir. Di deqîqeya 72'yan de Serdar Deniz bi pasê İbrahim Keleş ket nava sehaya reqîbê, lê ji aliyê Mesut ve li erdê hat xistin û hakêm cihê penaltiyê nîşan da. Samet yeniceli penalti avêt û Diyarbakir BB bi 1-0 derxist pêş.

Di maça ku ji aliyê temaşevanan ve gelek eleqe hebû de ji ber li stadê cih nîn bû hin temaşevanan li derve man.
Di Lîga 3'yem Koma Yekem a Tirkiyeyê de bi maça îro re 9 hefte derbas bûn. Di vê hefteya 9'emîn de jî Diyarbakir BB bi ser ket. Bi vê encamê Diyarbakir BB'ê pûanên xwe derxist 27'an û lîderiya xwe dom kir. Di vê komê de İstanbul AŞ. bi 19 pûanan duyemîn, Pazarspor bi 18 pûanan sêyemîn, Orhangazî bi 17 pûanan çaremîn û TekirovaBelediyespor jî bi heman pûanî di rêza 6'emîn de ye.
Belediye Van Spor bi vê encamê bi 13 pûanan di rêza 9'emîn de ma.