Diyarname
Eyro di Lîgê Şampiyonan ê Pîrekan de maçey tîmê fûtbolî Barselona û Wolfsburgî bîbî. Tîmey pîrekan ay fûtbolî ay Barselona bi 5-1 zorê tîmey Wolfsburgî berg. Skor wetêrî rekorêke hame şikitişî: Di stadê Barselona Camp Nou de tam 91 hezar û 648 temaşevanî bîbî. Di dîrokey fûtbolê pîrekan de bi enî reqemî rekor hame şikitişî ku heta enka di ti maçey fûtbolê pîrekan de endêke temaşevanî çinêbî.
Maça yewîne ay nîm fînalî ay Lîgê Şampiyonan ay Pîrekan de Barselona tîmê Wolfsburgî kerd meyman. Barselona bi 5-1 bi ser kewte. Golê Barselona dq 3 de Aitana, dq 10 de Graham, dq 32 de 1.Hermoso û deqe 38 û 84 Alekia eyştî. Tekane gomey Wolfsburgî di deqey 70 de Roorde eyşte. Di ene maçe de temaşevanan rekor şikit. Rekoro verîn zî di destê Barselona de bî. Çendeyke verîn di maçey çarîk fînalî de Barselona û Real Madrîdî kay kerd bî û tam 91 hezar û 533 tenan ro maçe temaşe kerd bî. Bi ene joy rekor kewt bî destê înan. Di a maçe de Barselona bi 5-2 zorê Real Madrîdî berd bî û veciyay bî nîm fînal.
Verî ene joy di fînalê Kûpaya Dinya a serey 1999’inan de ke Amerîka de hamîbî viratişî maçey Amerîka û Çînî bîbî. Tam 90 hezar û 185 tenî hamey bî ro maçey fûtbolê pîrekan temaşe kerdê. A çaxî înan rekor şikit bî. A maçe de Amerîka bi penaltiyan bi 5-4 zorê Çînî berd bî.