Diyarname
Nivîskar Orhan Pamuk "Nîşana dewletê ya Fransayê" jî têde hefteya pêşiya me li çend cihan dê çendek xelatan bigire.

Nivîskar Orhan Pamuk di navbera 24'ê vê mehê û 7'ê meha sermawezê de li Îngilistan, Fransa, Almanya, Danîmarka, Polonya û Îrlandayê dê beşdarî merasima hin xelatgirtinan û çalakiyan bibe.

Pamuk roja 29'ê mehê dê Xelata Legion d'Honneur ku nîşana dewletê ya herî mezin a Fransayê ye bigire. Wezîrê Çandê yê Fransayê Aurelie Filippetti dê xelatê pêşkêşî Pamuk bike. Par Yaşar Kemal û Nuri Bilge Ceylan jî heman xelat girtibû.

Vane xelat û xebatên ku Pamuk dê beşdar bibe û bigire:

- Roja 26'ê mehê pamuk dê li Zanîngeha Kopenhaga Danîmarkayê xelata Sonnig bigire. (Zanîngeha Kopenhagê ji bo kesên ku keda wî/ê ketiye nav çanda Ewropayê du salan carekê vê xelatê dide. Qîmeta xelatê li dor 135 hezar Euro ye)
Heta îro kesên wekî Ingmar Bergman, Gunter Grass, Simone de Beauvoir ev xelat girtibû.

- 7'ê sermaweza 2012'yan dê li Dublinê Madalyaya Burke bigire. Li Trinity College dê ji bo xelatdayînê merasimek li dar bikeve. Li ser navê Edmund Burke "Madalyaya Burke" didin nivîskar, fîlozof, siyasetmedaran ku îsal vê xelatê didin Pamuk.

- Ji bilî xelatan Pamuk dê beşdarî çalakiyan bibe. Rojên 27-28'ê mehê li Muzeya Louvre ya Parîsê dê beşdarî çalakiyê bibe, qala pirtûka xwe "Masumiyet Muzesî" ku wergerandibûn fransizî bike.

Her wiha Pamuk dê li Polonyayê li bajarê Krakov beşdarî Festîvala Conradê bibe ku ev festîval li ser navê nivîskarê zimanê îngilîzî Joseph Conrad (yek ji nivîskarê girîng ê zimanê îngilîzî) tê li dar xistin. Ev festîval îsal di navbera 22-28'ê vê mehê de li dar dikeve.