Diyarname
Mebûsê DEM Partî Sirri Sakik îro li Meclisa Tirkiyeyê axivî. Sakik pêşî rexne li Serokê YRP'ê Fatih Erbakan kir û got, "Bavê te jî wekî min kurd bû, Fatih Erbakan jî kurê kurdan bû, lê heramzade ye. Eslê xwe înkar dike û piştgirî dide DAIŞ'ê. Lo, ev çi hezkirin e we ber bi DAIŞ'ê ve dibe?"

Sakik li ser meseleya rojava sekinî û got, "Rojava xeta me ya sor e. Rojava dilê kurdan e. Li Rojava hemû gelan li wê derê berdêlên giran dan welatek demokratik ragihandin. Hûn çima ji ber vê aciz dibin? Bi deh hezaran ciwanan li wir ji bo vê yekê canê xwe dan. Niha, di dema ku dinyaya hemdem ji bo wan deyndarê lêborînê ye de piştgiriya çeteyan tê kirin. Em bangî rêveberên Tirkiyeyê dikin. Berê li Efrînê jî we kir, li wir talan kir. Rêya aştiyê bi diyalogê dimeşe. Rêya aştiyê ne ligel cîhadparêzan, bi hevrebûna re mirovên medenî re diçe. Ez bang li we dikim ku ligel van, ligel Rêveberiya Rojava diyalogê sazbikin. Ger hûn kurdan dikujin, pêşî me bikujin. Ew birayên me ne. Ew parçeyek me ne. Her guleya ku hûn biavêjin wan, em wekî ku avêtine me qebûl dikin. Em li wir aştiyê dixwazin. Em kuştin, xwîn, hêsrên çavan naxwazin."

**

Hin Nûçeyên Eleqedar:

- Ji bo taxên Şêxmeqsûd û Eşrefiyeyê li gelek bajaran çalakî, gotinên hatin kirin, daxuyaniyên eleqedar (agahiyên rojek)

- Wezîrê Îsraîlê Saar êrîşên li Helebê şermezar kir û got: Dinya deyndarê kurdan e

- Hunermendan ji bo Rojava bang kir

- Neteweyên Yekbûyî: Peymana 10'ê Adarê bi cih bînin

- Barzanî û Talabanî li ser Taxên Kurdan çi gotin?

- DEM Partî: Divê hikûmeta Şamê êrîşên li dijî kurd û suryaniyan bi dawî bike

- Îlham Ehmed: Hikûmeta Demkî li dijî kurdan şer îlan kiriye

- Li taxên kurdan 7 kes hatin kuştin, dor 50 birîndar hene