Diyarname
Pirtûka "Edebiyata Kurdî ya Diasporayê / Sirgûn, Penaberî, Nasname" ku ji aliyê Mehmet Şîrîn Fîlîz ve hatiye nivîsandin ji Nûbiharê derket. Şirin, di vê pirtûkê de berê xwendevanan dide rewşa nivîskar û metnenên li dîasporayê.

Mehmet Şîrîn Fîlîz li Zanîngeha Artûklûyê hîndekar e. Wî bi kurdî "Destana Derwêşê Evdî" û bi tirkî "Roman Diliyle Kurtler" du pirtûk belav kiribûn. Niha pirtûka wî 'Edebiyata Kurdî ya Dîasporayê' li ber destên xwendevanan e.

Ji her çînî kurd heta niha li gelek welatên dinyayê belav bûne û li gelek welatan, wan tiştin afirandine, nivîsandine, belav kirine. Ev pirtûk jî berê xwe dide hin xebatên wan. Loma jî vê dîasporayê û xwendevanan tîne ba hev. Pirtûk bi ser têgehên sirgûn, penaberî, nasname re mijaran dinirxîne.

Ev pirtûk berê xwe dide edebiyata kurdî ya ku li dîasporayê ava bûye. Ew bi paşxaneya dîrokî ya têgeha dîasporayê dest pê dike û berê xwe dide tecrûbeyên sirgûnê yên civakên koçberan û rengvedana wan ya di edebiyatê de. Paşê jî avabûna dîasporaya kurdan û xebatên edebî yên ku li vê derê ava bûne ji xwe re dike mijar. Bi rêya analîzkirina metnên nivîskarên dîasporayê hewl dide nîşan bide ku nasname, ziman û lêgerînên aîdiyetê çawa di nav vê edebiyatê de xwe daye der. 

- Edebiyata Kurdî ya Dîasporayê / Mehmet Şîrîn Fîlîz / Nûbihar / Kurdolojî / 222 rûpel  / 2025