Diyarname
Festîavaley Çand û Xeza a Mûnzûrî ke Şaredarî Dêrsime virazena emsar go rojê 7,8 û 9'ê gelawêjî de viraziyo. Qeybî hedrekerdinê festîvale kombiyayişê ke hame viraştin.
Şaredarî Dêrsime no 15 seriyo Festîavaley Çand û Xeza a Mûnzûrî virazena. Qeybî festîvaley emsarî Hevşaredarê Dêrsime Mehmet Ali Bul kombiyayişêke viraşt ke Meclisey Şarî ya Dêrsime, endamê Saziyanê Sivîlî û endamê partiyan tewrê kombiyayişî bî. Xeynî eniyan kombiyayişî de Şaredarê Ovacixî Fatih Mehmet Maçoglu, ê Nazimiye Cafer Kırmızıçiçek, ê Hozatî Celalettin Polat, ê Mazgirtî Tekin Turkel û ê Pulumurî Muslum Tosun jî hedre bî.
Hevşaredarê Dêrsime Mehmet Ali Bul vat ke ma rexneyanê însanan înan serê festîvale de esas gênê, emsar ma şaredariyanê qezandir no festîvale virazenê.
Bul vat ke go 7,8,9'ê gelawêjî de festîvale virazê û wina dewam kerd: "Bi butçeyke taye û ma wazenê bi fikrê şima zî na festîvale virazê. Festîvalanê verînan de kêmasî viraziyayê ma wazenê ene festîvale de reyna nêvirazî û heme şaredarî ma go na hetro hesasiyet bimocnê ra."
Beşdaranê kombiyayişî serê festîvale de fikrê xo ardî ziwan.