Çiya Mazî*

*Gellek kes dikarin helbestê çîrokê, romanê bixwînin, dikarin binivîsînin jî; lê belê nirxandina wan, analîza wan tiştekî din e.
*Tu çîroknûs an hebestkarê herî navdar û hezkirî bî jî, belkî tu nikaribî analîzekê tenê jî ji bo wan (helbes, çîrok) bikî. Lewre ew tiştekî din e me got.
*Tu wêjevanê herî navdar bî jî, ramana te girîng e, lê belê, belkî tu tênegihêjî ku wateya çalakiyek, gotinek siyasî çi ye, lewre ew jî tiştekî din e.
*Û dawî dawî, tu siyasetmedarekî herî navdar, herî mezin û pîspor bî jî, dibe ku tu nikaribî, çîrokek wêjeyî an jî rêzikek hebestê bivîsînî, lewre ew jî tiştekî din e...
*Carinan mirov guh nede rexnegiran belkî baştir be; ku mirov ji nivîskar, helbestvan, çîroknûs an ji siyasetmedarekî/ê hez bike, mirov bi xwe here lê guhdarî bike, pirtûkên wî/wê teqez bixwîne û bi hişê xwe tevbigere. Lewre dibe ku hesûsî li her derê hebe.
*Nexwe demokrasî, dad, rêzgirtina maf û hiqûqa mirovan di hiş û ramana mirov de tune be; pere, navdarî, ziman û dewlet tenê mirovan hemwelatiyan têr, dilxweş û azad nake.
Û kurdan pratîka hemû teoriyên şoreşan di van pênc salên dawiyê de dîtin.
*Jibîrkirin lukseke me dixapîne îro. Me Hemîd Dilbihar ji bîr kir? diyarname.com/news.php?Idx=2…
*Tiştekî pir girîng heye ku gelek kes karin bikin; herkes kare ji mirovên ku ji kar hatine avêtin û bûne esnaf tiştan bikirin, herin kafeyên wan. Liveke hêsan e ku mirovek bike. Gelek mirovên kurd û kurdîhez wisa perîşaniyê dikişînin hene, haya we jê heye? Bi cîh gelek kes karin herin kargehên wan û tiştên ku her roj pêwistin bikirin. Lê yên ku vê alîkariyê manîpule jî bikin, ew jî heye.
*Biryarên siyasî bi awayê fermî gel temsîl dikin, lê di nava gelan de têkiliya mirovahî û jiyanî pirê caran cuda ye. Bi gotina siyasetmedarekî, gel nabe nîjadperest.
*Ji bo pankarta HDP'ê ez wekî Leyla Polat @leylileylacan difikirim, bila kurdînûs biborin. Ji ber gelek sedeman. Belkî hinek ji hezkirina xwe ya kurdî tiştinan dibêjin, lê ne bi vî şiklî û ne ji hin şaşiyên wisa biçûk re ew qas tofan. Hinek jî dîsa wekî firsend êrîş dikin.
 *Dinyayê bidin wan jinan ku hemûyî bikin Rojava û her dem roj lê be neçe ava... Deynê wan mamosteyên jiyana azad û roniyê li ser me giran e ezbenî. Wan taht û zinarên tuxûban û peravên Feratê dibêjin: ew dê bibin roniya sal û deman...
*Me got romantîzm xelas bû realîzm dê were, lê dram li ser dramê hat, travmayan kon veda. Û hêvî dibêje bijîşk her dixebitin ji bo şîfayê. Dibêje helbest e terapî.
*Berê mirovan gotarên rojnameyên kurdî dixwendin, zivêr bûn. Dû re ketin facebookê tenê paragraf xwendin, zivêr bûn. Û derbasî twîterê bûn tenê hevokek têra wan dikir. Ji wê jî zivêr bûn, çûn instagramê,wêne tenê man û emojiyek bes e niha, hindik ma ew jî here. Çi dê were nizanim?
Ji xwe li hemû dinyayê jî pir cudatî tuneye bawerim.
*Gelo di pêşniyar û nirxandina pirtûkan de jî hemşerîtî û hevaltî dibe? :) Hilbet pirtûka xweş û li gor mirov baş be, ya hevalan û hemşeriyan jî dibe pêşniyar, lê ne her pirtûk-wêje, stran, helbest... Belê ya SeheraSelocan tiştekî din e, helwestek baş e, ew ji derî vê gotinê ye.
*Carinan hinek, tiştekî, livekê bi neyînî rexne dikin, lê belê tu lê dinêrî yê herî pir wê livê, wî tiştî dike ew e. EGOİST çibû, ew e.
*Wateya peyvên: 'Xiyanet-Dostanî, Mêranî, Namûs',belkî ev bin niha li dinyayê:"Siyaset-Têkilî,Teknîk-Teknolojî, Takekesî".
JI TWÎTTERÊ... 23.12.20017

*Têbiniya Diyarnameyê: Nivîskar Çiya Mazî notên mehek dane hev û di bloga xwe (ciyamazi.blogspot.com.tr) weşandine. Notên balkêş in. Me ji wir girt û wekî nivîsek em pêşkêş dikin...