Diyarname
Weşanê Bêjingê niha du pirtûk pêşkêşî xwendevanên kurdî kirin. Yek ya Kadîr Stêra, ya din jî ya Roger Sozdar e.

"GAVA STÊRK DIKEVIN"
Pirtûka Kadîr Stêra a bi navê "Gava Stêrk Dikevin", berî çendekî ji Weşanên Bêjingê derket. Di vê pirtûkê de jiyan mîna trênekê ye. Nivîskar hin beşên wê şibandine vagonên trênê. Her vagonek parçayeke ji vê jiyanê ye. Vagona eşan, vagona mirinê, vagona xeyalan. 
Pirtûk di formata Novelê de hatiye nivîsandin û dide dû xeyalê nivîskarekî xeyalperestî penaber; lê di vê rêwîtiyê de leheng berê xwe dixwaze bide bîra civakê. Zarokên di rêya penaberiyê de mirin, zarokên ku ji hêla polîsan ve hatine qetilkirin, Kobanî, Sirûc,
Şengal, û di bin siya vê tofanê de evînek.
Kadîr Stêra ji mecbûrî bû penaber û li Ewropayê dijî, di Diyarnameyê de quncik dinivîse. Berî "Gava Stêrk Dikevin" pirtûka wî ya bi navê "Hespên Şeytên" derketibû. Ev pirtûka wî ya diduyan e.

'TIRS'
Pirtûkek din jî romana Roger Sozdar a bi navê "Tirs" e. Sozdar, di vê romana xwe de daye dû şopa tirsê. Di tarîtiya morgekê de li ser kesayetiyeke ku ne xwediyê rastiyên civakiye kûr dibe. Mirin, berjewendî, tekoşîn, jiyan, civak, dewlet û axirî tirs di meytê lehengê romanê de qesta mirina hevdû dikin. Romana ku bi awayekî derûnî hatiye nivîsîn dil dike ku sedemên tevgeriya paranoîayê eşkare bike û destên desthilatdariyê ji siya mirovan dûr bixwe.
Di romana tirsê de mijar ew e ku du windahiyên bajêr û pirsgirêkên malbatî ên lehengê romanê li hev dialin. Çavdêriya dewletê ya li ser kesayetiya mirovî bandoreke bêtevger ava dike û heke li hember wê tiştekî ne li gor rêbazên wê biqewime berdêl distîne. 
Leheng dibêje "dewlet her tiştî dibîne û dibihîze" lê haya wî ji hêza civakê nîn e. Di romana Roger Sozdar de tê dîtin ku paranoîa nexweşiyeke bindestiyê ye.
Roger Sozdar berî vê bi navê "Rêzan û Çolo" û "Tazî" du pirtûk derxistibûn.

- Tirs / Roger Sozdar / Bêjing / Roman / 308 rûpel / 2025
- Gava Stêrk Dikevin / Kadîr Stêra / Bêjing /Novel / 92 rûpel / 2025

***

Nivîsa Eleqedar:

- Li pencereyê me yadê