Diyarname
Duh li çar-pênc malperên kurdan nûçeyek hebû lê yekî jî nivîsî ka ev nûçe rast e yan na?

Malperên kurdan gelek caran nûçeyên ANF'ê digirin û diweşînin (Piranî jî çavkanî nabêjin). Duh (25'ê mehê) nûçeyek wisa hebû di 4-5 malperên kurdan de: "Ocalan bi malbata xwe re hevdîtinan dike". Ev malperên ku her nûçeyên ANF'ê digirin û diweşînin negotin ka em li ANF'ê binêrin ew çi dibêje.
Vaye ji nûçeya ANF'ê paragrafek: "Asrin Hukuk Burosu (parêzerên Ocalan li vê buroyê ne) gotina Wezîrê Dadê ku malbata Ocalan bi Ocalan re hevdîtin pêk tîne derew derxist. Ji parêzeran Rêzan Sarica got daxuyaniya Wezîrê Dadê ne  rast e û wiha dom kir: 'Ji parêzeran re her dibêjin keştî xirabe, ger ji bo parêzeran keştî xirabe be malbat çawa diçe hevdîtina Ocalan'."

Birê Ocalan Mehmet Ocalan wisa gotiye: "Mafê me yê hevdîtina hefteyê carekê heye. Lê ew zagonên xwe jî binpê dikin û dest datînin ser mafên me. Ev 15 meh in min tenê du caran hevdîtin bi birê xwe re pêk aniye. Ger li ber destê wezîr agahiyên cuda hebin bila eşkere bike. Hevdîtinên ku em dikin tên qeydkirin. Ger hebe hevdîtinek me ya din bila eşkere bike."

Her wiha parêzer Sarica gotiye ku ev 14 meh in destûr nedane ew herin bi muwekilên xwe re hevdîtinê pêk Bînin.

Û gotina dawî: Wezîrê Dadê yê Tirkiyeyê ku di NTV de axivî heqê wî heye propagandaya xwe bike, carinan tiştinan tevlihev, carinan ser û bino bike jî bike, lê çi bi malperên kurdan hatiye nûçeyên ne rast diweşînin?

Nûçeya rast ev e: Ev 14 meh in parêzerên Ocalan nikarin pêre hevdîtinê bikin. Parêzer her hefte ji bo hevdîtinê serî li rayedaran didin û hema her hefte bersiva "Keştî xirabe ye" yan jî tiştên din ên bi keştiyê re eleqedar dibêjin û ji bo hevdîtinê wan nabin gravê.