Diyarname
Li Kolna Almanyayê di dora diduyan de dengên hatine bikaranin hatin hilbijartin û di encamê de derket holê ku berendama kurd Bêrîvan Aymaz bi ser neket. Berendamê SPD'ê Torsten Burmester 190 hezar deng girtin. Berendama Partiya Keskan Berivan Aymaz 165 hezar deng girtin. Di dora diduyan de partiyên din dijî Aymazê bûn yek û encam bi vî rengî çêbû.

Li Eyaleta Ren-Vestfalyaya Bakur a Almanyayê dora diduyan a hilbijartinê temam bû. Li bajarê Kolnê berendama Keskan siyasetmedaran kurd Bêrîvan Aymaz bû. Berendamê SDP'ê Torsten Burmester bû.

SIYASETMEDARA KURD LI KOLNÊ BERENDAM BÛ
14'ê mehê hilbijartin li dar ketibû, ji ber ku tu berendamî/ê ji sedî 50'î zêdetir deng negirtibû, hilbijartin derbasî dora diduyan bûbû. Li vê eyaletê li Koln û Dortmundê gel çûn cem sindoqan û deng dan. Bala kurdan bi taybetî li ser Kolnê ye ji ber ku yek ji berendaman siyasetmedara kurd bû.
Li Kolnê di vê dora diduyan de Bêrîvan Aymaza ku bi sedî 28'ê dengan bûbû yekemîn û berendamê SPD'ê Torsten Burmester ku bi sedî 21,3'yê dengan bûbû duyemîn ketin hilbijartinê.

808 HEZAR HILBIJÊR HENE
Saet 18.00'an de dengdan temam bû. Li gor ajansa alman DPA'yê beşdarî dor sedî 40.4 çêbûye. Li Kolna ku Aymaz û Burmester berendam bûn 808 hezar hilbijêr hene. Berendamê SPD'ê Torsten Burmester bi 190 hezar dengî, bi sedî 53,55'ê bi ser ket. Berendama Partiya Keskan Berivan Aymaz jî 165 hezar deng, sedî 46,45 girtin. Bi vî awayî Burmester bû Şaredarê Kolnê.

SEROKA KOMA KESKAN SIPASIYA AYMAZÊ KIR
Li ser navê Partiya Keskan endama Meclisa Federal a Almanyayê û Seroka Koma Partiya Keskan Katharina Droge bi ser hesabê xwe re peyamek belav kir û got, "Li Kolnê em bi ser neketin ev xemginî ye. Lê hêja Berivan Aymaz, sedî 46 encameke baş e. Ji bo vê xebata harîkulane a hilbijartinê em sipasiya te dikin."

Foto: Friso Gentsch / dpa 

***

Nûçeyên Eleqedar:

- Bangên ji bo piştgiriya Bêrîvan Aymazê

- Berendama kurd Bêrîvan Aymaz bû yekemîn, lê têrê nekir