Diyarname
Dadgehê afîşa BDP'ê ya Newrozê ku têde "An azadî an azadî" dinivîsand qedexe kir û ji bîlboardan daxist. Afîşa Walîtiya Amedê ku li ser salvegera Çanakkaleyê hatiye daliqandin li Amedê li bîlboardan hate daliqandin.

Di civîna ji bo amadehiyên Newrozê de (14.03.2012) Hevserokê BDP'ê Selahattin Demirtaş li ser pirsa li ser van afîşan axivî û got: "

"Ji bo dewletê kurdî serbest e. Ji bo dewletê kurdî tu demê nehat qedexekirin. Ji bo kurdan û kurdistaniyan kurdî hate qedexekirin. Di vî warî de gelek tiştên bên gotin hene, li ser dewletê, li ser walîtiyê. Di vê erefata Newrozê de ji bo rojev neguhere min nexwest zêde tiştek bibêjim. Saziya ku navê walîtî lê kirine saziyeke lezam e. Afîşa ku saziya nelazim daliqandiye jî afîşeke nelazim e. Di pergala ku em pêşniyar dikin de mekanîzmayeke wekî walîtî nîn e. Ev saziya ku bi awayekî zêde li pergalê hatiye zêdekirin înşela di kurtedemê de emê bi guherîna Zagona Bingehîn ji holê rakin. Ji ber vê daliqandin a deqexekirina afîşan teqez dê ji rayeya waliyan derkeve. Ji ber ku dê tiştek wekî walî tune be. Di feresata me ya rêveberiyê de saziyeke ku berpirsê wê ji Enqereyê hatiye tayînkirin, saziyeke zihniyeta desthilatdariyê temsîl dike dê nîn be. Gel dê bi rêveberên ku wan bi xwe hilbijartine bê rêvebirin. Rêveberên ku gel hilbijêre jî dê hurmetê nîşanî çand û zimanê gel bidin. Wekî hûn dibînin afîşa ku hatiye dayiqandin li vê derê ye, têde dinivîse 'an azadî an azadî'. Ger dewlet ji vê peyva azadî ew qas ditirse û qedexe dike, peyva azadî wekî hêmaya sûcê dibîne, wê çaxê peyvên azadî ku AKP'ê di teşkîlatên xwe de bikar anîne, walîtî û qeymeqaman bikar anîne jî divê sûc bin. Ger tenê xebata bi kurdî ya partiyekê wekî sûc dibînin ev nêzîktêdayîna dewletê nîşan dide. Ev yek ne tenê biryara waliyek yan dadgehek e, biryareke ku ji navendê hatiye girtin. Lê walîtî qede bike jî dadgeh qedexe bike jî ew peyva azadî, ew kurdî qedexe nabe. Vaye ew afîş li pişta me daliqandinî wekî çiyayekî disekine û dê ev afîş li qadan be jî."

***

Nûçeyên eleqedar:

- Ji bo BDP'ê qedexe, ji bo Walî serbest e!

- Ev afîşa Newrozê hat qedexekirin

- Di Newrozê de 4 daxwazên bingehîn ên kurdan

- Vaye bernameya Newroza 2012'yan