Amed
Îro 1'ê Rezberê Roja Aştiyê ya Dinyayê bû. Kurdan ji Riha, Amed, Wan, Sêrt heta İzmir, Mêrsîn, Enqereyê û Stenbolê li gelek cihan ji bo Roja Aştiyê çalakî li dar xistin. Di hemûyan de jî daxwaza aştiyê li pêş bû. Li gelek çalakiyan posterên mezin ên Rêberê PKK'ê Abdullah Ocalan hatin vekirin.

Li Amedê meşa ji bo Roja Aştiyê li ber avahiya DEM Partî ya li Baglarê dest pê kir û heta ber Plazaya AZC ya li Ofîsê dom kir.

Hevserokê Giştî yê DBPê Giştî Keskîn Bayindir, Hevseroka Giştî ya DEM Partiyê Tulay Hatîmogûllari, Hevseroka KESK'ê Ayfer Koçak, endam û rêveberên pêkhateyên Platforma Ked û Demokrasiyê ya Amedê û Platforma Saziyên Demokratîk, parlamenterên DEM Partiyê, hevşaredar û bi deh hezaran kes tev li meşê bûn. Pankartên “Ji bo avakirina civaka demokratîk ber bi aştiyê ve dimeşin”, “Rêbertiya Azad mîsogerkirina aştiyê ye”, “Aştî xweparastina jinan e, em ji bo civaka demokratîk dimeşin”, “Wêjeya azad rêya Civaka Demokratîk dinexşîne” û  “Ziman aştî azad li vir axivî û got; “Em çareseriyeke heqîqî dixwazin. Çareseriya heqîqî ew e ku me statuya xwe hebe li hemberî hebûna me tundî nebe. Çareseriyeke xeyalî ye ku hêj jî zimanê me înkar dikin, ziman û nasnameya me qebûl nakin. Aştiyeke birûmet ji bo me ferz e. Em êdî nêzîkî azadî û aştiyê ne.”