Diyarname
Nivîskar û rojnameger Lauren Sanchez ligel avakarê Amazonê Jeff  Bezos zewicî. Daweta wan  li Venedîkê di navbera 25-28'ê pûşperê de li dar ket. Di daweta 3 rojan de 30 milyon Euro pere xerc kirin.
Baş e ev Lauren Sanchez kî ye?
Lauren Sanchez wekî keça malbateke koçber di sala 1969'an de li New Meksikoyê hatiye dinê û li Californiayê mezin bûye.

KARÊ ROJNAMEGERÎ
Sanchez di nav malbateke feqîr de hatiye dinê û mezin bûye. Dema dixwaze bibe hostes wê nagirin. Loma ew berê xwe dide xwendina rojnamegerî. Wê ji bo The Wall Street Journalê wisa gotibû, "Di ciwanî de ji bo bibim hostes min serî lê da lê bi sedema zêde kîloyên min hene ez nehatim qebûlkirin. Wê çaxê berendam diweznandin û ez 54.8 kilo bûm, divê 52 kilo bama." Piştî vê dest bi xwendina beşa rojnamegerî dike û di sala 1994'an de dest bi karê rojnamegerî dike.

BERENDAMTIYA EMMY
Sanchez di weşanên ekî Fox Sports Net, Extra û Good Day LA karê nûçegîhanî û pêşkêşvanî dike. Di salên 1990'î de li DYA'yê tê nasîn û bi bernameya Going Deep a di Fox Sports Netê di warê şovê de dibe berendama Emmy. Bi vê bi ser nameve lê di sala 1999'an de Xelata Emmy ya Pêşkêşvaniyê digire.

PÊŞKÊŞVANA HERÎ SEKSÎ
Li gor nûçeya rojnameya The Times a îngilîz, ew bi manşeta "Pêşkêşvana herî seksî ya Amerîkayê" di sala 2003'yan de di berga kovara mêran Open Your Eyes de cih digire.

Di salên xwe yên 40'î de dibe pilota helikopter.
Di sala 2024'an de pirtûkek zarokan bi navê "Mêşa Difire Fezayê" diweşîne. Pirtûk li ser jiyana wê ya zarokatiyê ku bi nexweşiya dîsleksî ketibû hatiye nivîsîn.

EV ZEWACA SISÊYAN E
Lauren Sanchez berê ligel lîstikvanê fûtbolê amerîkayê Tony Gonzales zewicî bû. Dûre ligel menajerê Hollywoodê Patrick Whitesell zewicî û ji her duyan bi temamî sê zarokên wê hene.
Sanchez di sala 2019'an de ligel Bezos dest bi evîndariyê dike. Sanchez û Bezosî di sala 2023'yan de ragihand ku ew destgirtiyê hev in û niha li Venedîkê bi daweteke mezin zewicîn.