Navenda Nûçeyan
Wezîrê Karên Derve yê Fransayê Jean Noel Barrot got ku dê wi 13’ê mehê li Parîsê konferanseke li ser pêşeroja Sûriyeyê li dar bikeve û kurd jî wê tevli konferansê bibin. 
Konferansa ku li Parîsê wê li dar bikeve girîng e, girîngiya wê ew e ku li ser pêşeroja Sûriyeyê ye. Di konferansê de wê gelek alî hebin û li ser nexşerêyeke ji bo Sûriyeyê nîqaş bikin.

Wezîrê Karên Derve yê Fransayê Jean Noel Barrot bersiv da pirsên parlamenter Danielle Simonet got ku kurd hevalbendê bingehîn ê Fransayê ye. Wezîn Barrot têkoşîna Kurdan a li dijî DAIŞ'ê bi bîr xist û got: “Kurd hevalbendên me yên bingehîn in. Ew hevalên me yên çekê ne û em ê wan neterikînin. Pirsa we bi bîr dixîne ku bûyerên 13 salên dawî li Sûriyeyê qewimîn bandoreke çawa li jiyana rojane ya welatiyên me kiriye. Zexta giran a ku Beşar Esad li gelê xwe kir, bû sedem ku DAIŞ ji nû ve geş bibe ku gefa terora Îslamî ye û me li gel hevalbendê xwe kurdan têkoşîneke xurt meşand. Û di demekê de ku ji 8'ê berfanbarê û vir ve li Sûriyeyê hêviyeke nû ava bûye, divê xwedîderketin li neteweya kurd û tevlîbûna wan a li welatîbûna nû ya li vî welatî pêk were.”
Wezîr gotiye ku ji destpêkê ve wan bang li rayedarên Tirkiyeyê û rayedarên nû yên Şamê kirine ku şerê li Kobanî rawestînin.

Barrot gotiye ku berî biçim Şamê min bi General Mazlûm re hevdîtin kir, me di navbera General Mazlum, Tirkiye û hikumeta demkî ya Şamê de navbeynkarî kir û got, "Di dema nêz de jî me di navbera kurdên li Sûriyeyê û kurdên li Iraqê de navbeynkarî kir ku karibin hevdu xurt bikin. Hefteya bê di 13'ê reşemî wê li Parîsê konferansa li ser pêvajoya serdema nû ya Sûriyeyê li da bikev û ez dikarim piştrast bikim ku kurd jî wê di konferansê de amade bin.”

Kurtedemek berê heyetek ji Fransayê çûbû serdan Herêma Rêveberiya Xweser a Bakur û Rojhilatê Sûriyeyê kir.