Diyarname

Li gor agahiyên dawî li ser navê BDP'ê Berendamê Şaredariya Akdenîza Mêrsînê dîsa M. Fazil Turk e.

BDP ku hêdî hedî hemû berendamên xwe yên şaredariyan diyar dike, demek berê wekî berenda Akdenîzê Yuksel Mutlu nîşan dabû. Li Mêrsînê meseleya berendamtî nîqaş hebû. Vê êvarê rojnameya MersihPressê wekî agahiya flaş weşand ku berendamê Akdenîzê M. Fazil Turk e. 

Rojname dibêje ku BDP'ê biryar daye ku di hilbijartina 30'ê adara 2014'an de careke din M. Fazil Turk wekî berendam nîşan bide.

Dê Mutlu û Turk wekî hevşaredarî vê xebatê bi rê ve bibin. Jixwe BDP'ê di vê hilbijartinê de li hemû şaredariyan meseleya hevşaredarî girtiye dest, yek jin, yek mêr nîşan dide. 

Şaredar M.Fazil Turk di sala 1999'an de li ser navê HADEP'ê bû berendam û qezenc kir. Şaredar Turk di hilbijartina 2009'an de careke din bi ser ket û heta niha du caran Şaredariya Akdenîzê kiriye. Ger di hilbijartina 2014'an de jî bi ser bikeve dê bibe cara sisêyan ku Akdenîzê bi rê ve dibe.

Navenda navendî ya Mêrsînê Akdenîz hem li Mêrsînê hem li wê herêmê navçeyeke girîng e. 

Her wiha BDP'ê ji bo navçeya Toroslar jî Bedrettin Guneş wekî berendam nîşan daye. Gnueş ji 20 salan zêdetir e di şaredariyên cur bi cur de rêveberî dike û di warê rêveberiya herêmî de xwedî agahî ye.