Diyarname
Ji akademîsyen heta siyasetmedar, ji parêzvanên mafên mirovan heta nivîskar û rojnameger, ji 50 welatak 650 jinî nameyeke weşandin û gotin: "Rêveberiya Xweser a Bakur û Rojhilatê Sûriyeyê bi awayekî fermî qebûl bikin."
Ji koma Tirkiye-Almanya ya "IPPNW"ê (Ji bo pêşîlêgirtina Şerê Nuklere Hekîmên Navneteweyî) heya Şaredara Berceto ya Îtalyayê, ji Almanya heta Avustuya, Hollanda, ji Lubnan heta Misrê, ji Fasê heta Slovenya, Spanya, Afrîkaya Başûr, ji Danîmarka heta Hindistan, DYA, ji Swêdê heta Îngilistanê bi temamî 650 jinî bi hev re nameyeke eşkere belav kirin.
Di nameyê de qalal têkçûna rejima Esad hatiye kirin û hatiye gotin ku ji sala 2012'yan ve li Bakur û Rojhilatê Sûriyeyê modeleke rêveberiyê hatiye avakirin ku ji azadiya jinê heta ekolojiyê û raste rast beşdariya demokrasiyê têde bi cih kirine.
Di nameyê de hatiye gotin ku ev model ji bo Sûriyeyê dikare bibe mînak û bal kişandiye ser deklerasyona Meclisa Jinan a Sûriyeyê ku roja 22'yê berfanbara 2024'an eşkere kiribû. Di deklerasyonê de 13 xal hebûn û jinan gotiye, "Em piştgiriya vê deklerasyona 13 xalan dikin. Ew bi biryar in ku jinan bixin nava têkoşîna avakirina Sûriyeya demokratîk. Em vê hedefê gelek girîng dibînin. Komên cihadîst bi îdeolojî û pratîka xwe jinê biçûk dixin û şîdetê dijî wan pêk tînin. Ji dêvla nasîna wan cihadîstan, banga me ew e ku piştgiriya rêxistinên jinan ên demokratîk ên li Sûriyeyê û saziyên sivîl bikin."
Jinan banga rawestandina piştgiriya ji bo Tirkyeyê û rawestandina şandina çekan ji bo Tirkiyeyê kiriye û dûre banga piştgiriya Rêveberiya Xweser kiriye.