Diyarname

Kayyumê ku dest danî ser Şaredariya Bajarê Mezin a Amedê niha dixwaze bi Amed Sporê bilîze. Zorê li rêveberî dike. Serokê Klûba Amed Sporê Nurullah Edemen ji T24 ji bo Veysi Polat axivî. Edemen qala hevdîtina xwe, rêveberiya Amed Sporê û Kayyumê Amedê Cumali Atilla kir.

Vaye ew beş:

- Hûn jî dizanin hemû klûbên sporê bi taybetî tîmên bajaran car caran diçin serdana walîtî, rêveberiyên herêmî. Klûba Amed Sporê ku berê navê wê Diyarbakir Buyukşehir Belediye (Şaredariya Bajarê Amedê) bû. Lewra ji bo piştgirî, ji bo butçeyek, alîkariya fînansî nêzî meh û nîvek berê em çûn serdana kayyumê Şaredariya Bajarê Mezin. Ji bo heman awayî em çûbûn serdana walîtî jî.

Em çûn cem kayyum me qala daxwazên wxe kir, ez ne tenê bûm, 7 hevalên me jî hebûn. Yek ji wan jî Cîgirê Sekreterê Giştî yê Bajarê Mezin Abdullah Sevinç bû ku di heman demê de di rêveberiya me de ye.

Dema me daxwaza xwe anî ziman got niha nikare tiştek bike, kongre li dar ket we gazî jî nekir, ji bo em bikevin rêveberî we tu tiştek nekir. Me jî got ku ev kongreyek giştî bû, bi awayekî fermî me kongre li dar xistiye, bi rêya çapemenî me eşkere kiriye, we jî dikarî bên, ji xwe Cîgirê Sekreterê Gşitî Abdullah Sevinç li vir e, di rêveberî de ye.

Kayyum Cumali Atilla beg got, 'Bi vî şiklî nabe, ger hûn dixwazin alîkarî ji me bigirin divê mafê gotina me li nav klûbê hebe. J ibo vê yekê 5-6 endamên rêveberî, divê rêveberî nîv bi nîv be. Dema ev pêk bên emê jî çi bikeve ser milê me emê bikin û emê vî tîmî heta Lîga Super derxin pêş."

- Her wiha kayyum pêşniyarê me kir ku em navê klûbê biguherînin. Me got 'Çawa?', got 'Em bikin Bajarê Mezin' filan.. Li wir min got, jixwe berê navê wê wisa bû, eleqe nedidît lê bi Amed Spor re gelek eleqe dibîne, niha stada me her tije ye, yanê temaşevan ful tên. Tiştek wisa em bikin dê ne rast be. Wî diyar kir ku ne wisa be dê piştgirî nedin, herin carek din bifikirin û li gor wê werin. 

Me jî diyar kir ku em nikarin tiştek wisa bikin, ger kongre çêbe delege bixwazin biryar a wan e. Delege xwedî vî tîmî, vê klûbê ne. Îro em peywirdar in, sibê dibe ku em li vir nîn bin lê divê rêveberiya herêmî piştgirî bide tîma bajêr. Me ev eşkere anîn ziman. Tîman şaredariyar hene, şaredarî piştgirî didin wan, zagon be ji bo wan jî zagon derbas dibi. Tîmên ku ji bo ser sînga formayê reklamê digirin jî hene. Reklamê ji şaredarî digire. Me ev anîn ziman, yê wî jî gotinên wî bi vî awayî bûn û em derketin ji wir. Paşê em neçûn cem.

- Rojên borî rojnameyek geriya. Min ji bo wan jî mesele anî ziman. Gotina "Nav neguhere dê piştgirî qut bibe" derbas nebû. Jixwe li wir şaşfêmkirinek heye, ji ber ku piştgirî nîn e. Kayyumê got, 'Jixwe hûn tesîsên me bikar tînin ma ev ne piştgirî ye?' yan jî 'Hûn sehaya me bikar tînin ma ev piştgirî ye?', Ev gotin ne rast in, Diyarbakirspor 20 sal in avahiya ku şaredarî ji bo wan veqetandiye bikar tîne kesek derneket ev neanî ziman. Ji ber ku tîma bajar e dê tesîsên şaredarî bikar bîne.

- Fikra me ew e ku hemû hêzên bajêr, saziyên sivîl, karsaz, rêxistinên kar, ode, walîtî, şaredarî divê hemû piştgirî bidin klûbê. Em eşkere dibêjin 'ev tîm ne saziyek siyasî ye, ev tîmek fûtbolê ye'.

- Îro dema em dinêrin tîma me di nav zehmetiyên aboriyê de ye. Hin hewldanên me yên fermî hene. Piştî em karên wê yên fermî temam bikin em dixwazin kampanyayek alîkariyê saz bikin. Tiştek çênebe hefteya pêşiya me emê starta vê ji bo Amed Spora me bidin.

- Me Amed Store jî vekir. Niha tenê li vir heye. Em difikirin li Amedê yeka din jî vekin, paşê li bajarên din jî yek diduyan vekin, dûre li bajarên mezin wekî Stenbol û Îzmîrê jî em difikirin.