Qamişlo
Desteya Çandê ya Kantona Cizîrê bi diruşma “Em bi rengê xwe jiyanê dixemînlînin” pêşangehek ji 55 tabloyên şewekaran pêk tê li Naveda Çand û Hunerê ya Mihemed Şêxo ya li bajarê Qamişlo vekir.
Merasima pêşangehê 28'ê mehê bi beşdariya endam û reveberên Rêveberiya Xweser, Desteya Çandê, rewşenbîr, nivîskar, helbestvan, şêwekar û gelek kesên din li dar ket. Pêşan 3 rojan dê di navbera saetên 10.00-14.00 û 16.00-20.00’an de ji bo hunerhezan vekirî be.
Li ser navê Desteya Çandê ya Kantona Cizîrê û Rêveberiya Xweseriya Demokratîk cîgira hevserokên Desteya Çandê ya Kantona Cizîrê Mariya Aho axivî. Aho pêşangeh pîroz kir û diyar kir ku ew bi hevdîtina hunermendên şêwakariyê ku "îfadeya çemê hezkirin, bedewî û jiyanê ne" kêfxweş bûne.
Endamê Komîteya Amadekar a Desteya Çandê ya Kantona Cizîrê Ebdulmecîd Xelef jî got ku bi armanca bi awayekî xweşik pêşangehê bicîh bikin, hemû şêwekaran li hev kom bikin û got: “Ji ber ku şêwekarî hemû gelan li hev kom dike, an ku nasnameya civaka xwe dighîjêne hemû cîhanê.”

***

Nûçeya Eleqedar:
-  Amadekariya pêşangeha wêneyan berdewam dike