Diyarname
Yek ji tîmên mezin ê Îtalyayê Înter e. Niha Şîrketa Rêya Hesinî ya Çînê sedî 15'ê Înterê kirî. Înter bi vê pereyê dê li Mîlanoyê stadek çêbike.

Şîrketa Rêya Hesinî ya Çînê bi 67.6 mîlyon dolarî sedî 15'ê Înterê kirî. Înter ku heta niha 18 caran li Îtalyayê bûye şampiyon bi vê buhayê jî buhaya wê jî diyar bû: Li dor 500 mîlyon dolarî.

Înterê di malpera xwe ya fermî de ragihandu ku bi vê pereyên ku girtine dê stadek cihê 60 hezar kesî têde hebe çêbikin ku ev stad heta 2017'an dê temam bibe. Înter niha maçên de di stada San Siro de ku yê reqîbê wan ê her demî AC Mîlan e de dilîze.

Înterê di sala 2011'an de 266 mîlyon Euro pere bi dest xistibû jî dîsa 86 mîlyon Euro wekî zerar nîşan dabû. Înter ku di nav tîmên zerar dike yê Ewropayê de ye, bi stada xwe dike ku hatina xwe zêde bike. Bi vê yekê jî dike ku rewşa xwe ya fînansî baş bike.

Serokê Înter Massimo Moratti ye ku piraniya hîseyên Înterê di destê malbata Moratti de ne. Pirelli jî xwxedî parek hîseyan e.

Înter herî dawî du sal berê li Kûpaya Îtalya bi dest xistibû û di heman demê de bûbû şampiyonê Serie A'yê.