Diyarname
"Sê aborîzanan, di warê dewlemendbûna navneteweyî de, ji aliyê erdnîgarî û aborî ve welatên xwedî taybetiyên cuda, rewşa saziyên wê nirxandine ku di vî warî de ev sazî xwedî faktor in. Ji ber vê xebata wan, ew hêjayî xelatê hatine dîtin."
Komîteya Nobelê bi van gotinan sê aborîzan hêjayî Xelata Nobelê dîtine.
Aborîzan Daron Acemoglu ku hemwelatiyê Tirkiyeyê ye, Simon Johnson û James A. Robinson hêjayî Xelata Nobelê ya Aboriyê hatine dîtin
Komîteyê her wiha wisa gotiye, "Civakên serdestiya hiqûqê lê lawaz e û saziyên hakimiyeta xwe neyînî bikar tînin mezinbûn an jî ber bi başiyê ve çûyînê nikarin saz bikin. Ji bo em rewşê baş fêm bikin, lêkolîna kesên xwediyê vê xelatê ji bo me dibe alîkar."
DARON ACEMOGLU KÎ YE?
Aborîzan Daron Acemoglu wekî zarokê dê û bavekî ermen di sala 1967'an de li Stenbolê hatiye dinê. Li gor gotina rojnameya Agosê bavê wî Kevork Acemoglu yek ji pisporên hiqûqa bazirganî ya Tirkiyeyê bû ku pispor bû. Bavê wî sala 1988'an de miriye. Diya wî Îrma Acemoglu li Kadikoyê midûra Dibistan Aramyan Uncuyan bû, di heman demê de bi nasnameya xwe ya helbestvanî û wêjevaniyê jî dihat nasîn.
Daron Acemoglu piştî Lîseya Galatasaray xilas dike di sala 1989'a de li Îngilistanê li Zanîngeha Yortê di warê aborî de lîsansa aborî, sala 1990'î de jî li London School of Economicsê jî asta bilind de lîsansê dike. Sala 1992'yan de li heman zanîngehê pîleya doktorayê digire.
Heta niha li ser aborî gelek gotarên wî hatine weşandin, pirtûkên wî derketine.
Daron Acemoglu di wanê pêşketinê de demokrasî, saziyên siyasî û aborî û zordariya dîktatorî ya li ser wan de gelek axaftin û xebatên wî hene.
Daron Acemoglu li Tirkiyeyê jî li ser demokrasî û pêşketinê gelek gotin û hevpeyvînên wî çêbûn. Dema li Tirkyeyê "Akademîsyenên ji bo aştiyê" bi KHK'ê (Biryarnameya di Hukmê Zagonê de) ji kar hatin avêtin, Acemoglu jî ji bo piştevaniya van akademisyenan îmze avêt bin metna piştgriyê.

**

Nûçeyên Eleqedar:

- Berpirsê saziya ku Xelata Nobela ya Aştiyê girt: Çekên nukleer hebin, aştî çênabe

- Xelata Nobelê ya Wêjeyê dan Han Kangê

- Xelata Nobelî ay Kîmyaye day 3 tenan

- Xelatgirên Nobelên Fîzîkê û Tibê eşkere bûn