Diyarname
Açik Radyo navenda wê li Stenbolê ye û ew di weşana xwe de zêdetir cih dide gelêk kêmare, muxalifan. RTUK'ê (Lijneya Bilind a Radyo Televîzyonê ya Tirkiyeyê) weşana radyoyê ya bi ser bejahî re betal kir.
Radyoyê roja 24'ê avrêla îsal, di bernameya "Açik Gazete" (Rojnameya Vekirî) de gotina "Komkujiya Ermenan" bikar anîbû. Li ser vê yekê RTUK'ê xwestibû lîsansa Açik Radyoyê bê betalkirin. Radyoyê ku ev 30 sal in weşanê dike serî li dadgehê dabû, 21'emîn Dadgeha Îdarî ya Enqereyê biryara RTUK'ê betal kiribû.
RTUK'ê roja 11'ê mehê biryara betalkirina weşana Açik Radyoyê ragihand rêvebgerên radyoyê. Radyoyê daxuyaniyeke nivîskî belav kir û got, "Em hêvî dikin ev biryar dê ji bo demek be û bê betal kirin." Radyoyê bang li saziyên çapemenî û weşanê yên li Tirkiyeyê kir ku xwedî li wan derên û dengê xwe bilindtir bikin.