Diyarname
Wezareta Karên Hundir a Tirkiyeyê bi kayûmê dest danî ser Şaredariya Culemêrgê.
Di hilbijartina 31'ê adara 2024'an de DEM Partî li Culemêrgê bi sedî 48,92 şaredarî bi dest xistibû. Hevşaredarê Culemêrgê Mehmet Siddik Akiş îro li Wanê hat binçavkirin. Û Wezareta Karên Hundir a Tirkiyeyê ragihand ku ji dêvla şaredar wan kayûm şandiye ser şaredariyê.
Wezaretê bi ser tora civakî de daxuyanî belav kiriye, gotiye ku der barê wî de bi "rêvebirina rêxistinê", "endamtiya rêxistinê", "propagandaya rêxistinê" doz hatiye vekirin û doza wî didome.
Parêzerên Hevşaredar Akiş îro çûbû cem dozger lê dozger gotibû ku "dosya veşarî ye" û sedema binçavkirinê eşkere nekiribû.
Wezareta Karên Hundir a Tirkiyeyê ji dêvla Akiş, Waliyê Culemêrgê Alî Çelîk wekî kayûm şand ser şaredariyê.

ÇALAKIYÊN PROTESTOYÎ

Li Amed, Batman, Riha, Edene, Mêrdîn û Îzmîrê îro çalakiyên protestoyî hatin lidar xistin. Li STenbolê jî berêvarkî li Şîşhaneyê dê çalakî li dar bikeve.

SEROKÊ CHP'Ê OZEL: EM DIJÎ KAYÛMAN IN
Serokê Giştî yê CHP'ê Ozgur Ozel li ser şandina kayûmê bo Şaredariya Culemêrgê bi twitek bertek nîşan da. Ozel got, "Em binçavkirina Şaredarê Culemêrgê û doza 10 sal berê dest pê kiriye û hê didome wekî sedem nîşandayînê ku bi vê kayûm tayînkirinê red dikin.
Tiştên ku niha derketiye holê nenaskirina vîna gelê Culemêrgê ye ku hê du meh berê tecelli kiribû. Divê kayûmê bi paş ve vekişînin. Em ligel demokrasî û vîna gel in, em dijî feraseta kayûman in!"

ÎMAMOGLU: Ez dijî kayûman im
Şaredarê Bajarê Mezin ê Stenbolê Ekrem Îmamoglu piştî serdana Şarerarê Beylikduzu Mehmet Murat Çalik ji bo çapemenî got, "Mixabin piştî agahî girtina kayûmê, em pêvajoyê dişopînin. Kayûm baweriya mirovan bi demokrasiyê dişkîne."
Îmamoglu bal kişand ser doza ku hê didome û got, "Rewşek din heye; ger ji kargirtin hebe jî li wir meclis heye û ew meclis dikare wekîlê şaredar hilbijêre û rê dê bewam bike. Ez di serî de diji van 'kayûma'an bûm. Ev yek demokrasiya herêmî birîndar dike. Ez wekî kesek dema deng didim dizanim çawa mirov xwedî li dengê xwe derê, fikra min ew e ku kayûm têkiliya bi demokrasiyê re qut dike."
 

***

Nûçeya Eleqedar:

- Hevşaredarê Culemêrgê hat binçavkirin