Diyarname
Akademî Fîlman ay Ewropayê yew organizasyona muhîm a dinya wa. Kaykerdoxa ji Tirkiya Saadet Işil Aksoy bî endama ene akademî.
Akademî Fîlman ay Ewropa serey 1989 de hetê derhêner Ingmar Bergman ra hamî viraştişî. Serokatî kaykerdoga Juliette Binoch ke xelatgira Oscarî ya kena. Ben Kingsley endamê rûmetî yo. Akademî de dewrê 4 hezarî endamê ê estê. Akademî her sere fîlmanê serkewte ê Ewropa çînena we û Xelatê Fîlmanê Ewropa kena vila. Enka kaykerdoxe Saadet Işil Aksoy jî bî endamey akademî. Heme endamê Akademî heqê înan esto ke fikrê xwu biyarê ziwan.
Kaykerdoxe Saadet Işil Aksoy serey 1983 de Stenbol de hamiya dinya. Babê cay bi eslê xwu Newşehîr, dadê cay bi eslê xwu Sêrte ra wa. Ay Zanîngeha Bogazîçî de beşê Ziman û Edebiyatê Îngilîzî wendo. Siyadî (Komeleya Niştoxanê Sînema) û henî festivalanê binan Xelata Kaykerdoxa Serkewtî daw ay. Heta enka ay zehf fîlm û rêzefîlman de kay kerdo.