Diyarname
Di van deman ku nîqaşa li ser pirsgirêka kurd, perwerdehiya bi kurdî, pevçûn û gelek mijarên din de nîqaş zêde bûne de nivîskarê Milliyetê Kadri Gursel roja 2'yê vê mehê nivîseke balkêş weşand.
Gursel qala hevdîtina wan (Mehmet Altan, Oral Çalışlar, Sedat Ergin, Nuray Mert, Altan Oymen) a li mala Nazli Ilicak ku mêvanên wan siyasetmedarên kurd Hevserokê BDP'ê Selahattin Demirtaş, Hevserokê KCD'ê Ahmet Turk, Şaredarê Bajarê Mezin ê Amedê Osman Baydemîr, Cîgirên Hevserokên BDP'ê Meral Daniş Beştaş û Filiz Koçali kir.
Nivîskar Gursel piştî ku qala vê hevdîtinê, nîqaşa li wê derê, Xweseriya Demokratîk, pirsgirêka kurd û gelek tiştên din kir qala anketeke jî kir. Di anketê de dîtina kurdan û ya tirkan jî derketiye holê. Di anketê de kurdan çi gotine, tirkan berevajî wê...
Em beşa anketê ya li ser kurdan ya nivîsa Kadri Gursel werdigerînin û pêşkêşî bala we dikin:
"Wê rojê ez beşdarî civînekê bûm, lêkolîneke ku nav raya giştî hatibû kirin, ez encamên wê par ve bikim. Heta niha li ser pirsgirêka kurd li Tirkiyeyê ev anketa herî mezin e ku hatiye kirin... A rast dîroka wê hinek ev e; di berfanbara 2011'an de hatiye kirin lê encamên wê mirov gelek ditirsîne û dide fikirandin. Saziya Lêkolînê got ev anket "Bi taybetî ji bo mişterî" hatiye kirin û ji ber vê yekê bi awayê ku em navê wan nenivîsin ji me re gotin.
Li aliyê din, ez bibêjim ku ev saziya ku anket kiriye li Tirkiyeyê di nav ew çendên bi prestîj de ye.
Anket li 48 bajaran, li 6516 malan hatiye kirin. Sedî 23'yê temamê kurdên li Tirkiyeyê serxwebûnê dixwazin. Sedî 77'ê wan serxwebûnê naxwazin.
Serokê Saziyê dibêje, "Du sal berê rêjeya yên serxwebûnê dixwazin di navbera sedî 6 û 7'an de bû." Bilindbûna vê rêjeyê gelek balkêş e...
Ev anket çend hefte berî bûyera Roboskiyê hatiye kirin.
Dîsa li temamê Tirkiyeyê sedî 56'ê kurdan xweserî dixwazin. Ev rêje di sala 2009'an de sedî 21 bû.
Sedî 65'ê kurdan perwerdehiya bi zimanê zikmakî dixwazin. Sedî 56'ê kurdan dixwazin kurdî bibe "zimanê fermî"."
Belê parçeyeke ji nivîsa Gursel wisa bû. Hin nivîskarên tirk ku hê jî dibêjin "Em nizanin kurd çi dixwazin" herhal êdî dizanin kurd çi dixwazin.