Diyarname
Veysel Vesek parêzerekî ye û hevalekî me ye. Heta niha hin nivîsên wî di Diyarnameyê de hatin weşandin.
Û ew jî yekj i wan kurdan e ku di bin navê "Operasyonên KCK'ê" de hat girtin.
Em helbesta Veysel Vesek a bi navê "Vê carê" ku di hejmara 53'yan a Tîrojê de derketibû diweşînin.

***

VÊ CARÊ

Per bûn perên perîstkan
Lê laşê min ketin
Bûn perwane çûn
Şewitîn li ber şewqa te

Bajarekî  tevlîhev e  ev dilê min
Dûyekî gemar ji min diçe her êvar
Çi bikim her şev bêriya kaniya te dikim

Vê carê te bi rastî jî xatir ji min xwest
Vê carê rast e
Rastiyeke tehl e

Rastiyeke bê bûk û zava ye
Rastiyeke bê serşok û şiwar e
Vê carê rast e

Hemû şevên perîstankî çûn
Hemû taviyên biharan xeniqîn
Hemû brûskan li dilê min veda
Vê carê bajaran tu windakirî li ber çavê min

Vê carê dilê min bû xefka min….

Veysel VESEK