Diyarname

Ajansan bi lezgînî ev nûçe belav kir: Rêberê Wagnerê Yevgeny Prigozhin ê ku demek berê dijî Putin derketibû li balafira ku rastî êrîşê hat de hat kuştin.

Li gor nûçeyan balafireke taybet roja çarşemê (îro) ji Moskovayê diçû St Petersburgê. Li gor aliyên Rusyayê êrîşê balafirê kirine û Prigozhin jî têde 10 kes mirine.

Di balafirê de sê pîlot, heft rêwî hebûn. 100 kîlometre li bakurê Moskovayê li Tverê balafir ketiye.

Rosaviatsia ku karên hewayî yên sivîl ên Rusyayê organîze dike, eşkere kiriye ku di nav lîsteya rêwiyan de navê Yevgeny Prigozhin jî heye, lê negotine ku ew siwarê balafirê bûye yan na. Li aliyê din Associated Pressê li ser daneyên firînê nûçe saz kiriye û têde diyar kiriye ku jeteke a li ser navê Wagnerê tomarkirî ku berê Prigozhin jî ew bikar dianî roja çarşemê ji Moskovayê firiyaye û piştî deqîqeyan sînyalên wê qut bûne. Sînyal li çolterek ku balafirgeh lê nîn e qut bûne.

Ajansa dewletê ya Rusyayê RIA Novosti ragihandiye ku li cihê bûyerê 8 cenaze hatine dîtin.

Berdevka Ewlehiya Neteweyî ya Koşka Spî ya DYA'yê Adrienne Watson gotiye ku ger bi rastî jî Yevgeny Prigozhin mirine ev yek dê ne surprîz be.