Diyarname

Em dikarin bi rehetî bibêjin vê hefteyê çend fîlmên ku dê bala we bikişînin hene: Di serî de 'Oppenheimer'. Û yên din jî emê bi kurtahî bibêjin.

Pêşî 'Oppenheimer'

'Oppenheimer' fîlmê derhêner Christopher Nolan e. Cillian Murphy, Emily Blunt, Robert Downey Jr., Matt Damon têde dilîzin. 

Kai Bird û Martin J. Sherwin pirtûka bi navê "American Prometheus: The Triumph and Tragedy of J. Robert Oppenheimer" nivîsandibûn û derhêner Nolan senaryoya fîlmê xwe ji vê pirtûkê girtiye. Agahiyeke din: Fîlm bi formateke fireh, bi 65mm hatiye kişandin, di kişandinê kameraya IMAX bikar anîne.

J. Robert Oppenheimer şexsiyetekî dîrokî ye. Ew wekî 'afirînerê bombeya atomê' tê nasîn. Îdîa ew e ku ew ji bo aştiyê ketiye ser vê rêyê. Ew di heman demê de bi komunîstî jî hatiye sûcdar kirin. Haya wî ji felsefeyê heye, ji huner û wêjeyê hez dike, ji helbestê hez dike. Ew fîzîkzanekî ye. Ew qas taybetî bes in? Erê. Ev kesê ku bûbû mijara pirtûkê niha jî karakterê fîlmê bi navê "Oppenheime". Fîlm berê kamerayê dide vê karakterê ku di dema Şerê Cîhanê yê 2'yemîn de navdar bûbû.

Ev Oppenheimer çi bû, bû çi? Derhêner Christopher Nolan çîroka vî zilamê dîrokî derdixe pêş, loma jî heq dike ku bibe fîlmê hefteyê û mirov here lê temaşe bike. Loma jî em vî fîlmî derdixin pêş.
Pêşniyarên din

Ji bo kesên bixwazin fîlmên din jî hene: Fîlmê derhêner Alice Winocour "Paris Memories" yek ji wan e. Lîstikvanê fîlm Xelata Herî Serketî ya Cesarê girtibû. Dîsa li nav fîlmên vê hefteyê "The Inspectio" (Derhêner Elegance Bratton) heye ku bi navê "Teftîş" derxistine vîzyonê. Fîlm di Globa Zêrîn de berendamtiyên wî hebûn. Û yên ku ji Margot Robbie hez dikin, "Barbie" li vîzyonê ye.

Va ne hemû fîlmên vê hefteyê:

- Barbie / Derhêner Greta Gerwig

- Paris Memories / Derhêner Alice Winocour 

- The Inspection / Derhêner Elegance Bratton 

- Chariot / Derhêner Adam Sigal

- Oppenheimer / Derhêner Cristopher Nolan

- Resident Evil: Death Island / Derhêner Eiichiro Hasum / Anîmasyon

- Koshchey: Pokhititel Nevest / Derhêner Roman Artemyev / Anîmasyon

- Muhr-u Musallat 2: Yasak Dugun / Derhêner Metin Kuru