Diyarname
Di Lîga Şampiyonên Ewropayê ya UEFA de tîma îngilîz Chelsea û tîma alman Bayer Munih li Stada Allianz Arena ya li Muniha Almanyayê hatin hemberî hev. Di maçê de Chelsea di encama avêtina penaltiyan de bi 5-4 Bayer têk bir û bû şampiyon.

Heta niha Bayer Munih 4 caran di vê tûrnûvayê de bûbû şampiyon lê Chelsea qet nebûbû şampiyon. Wekî favorî B. Munih dihat nîşandayîn. Di maçê de jî serdestiya Munihê hebû. Di nîveka yekemîn de tu gol nehat avêtin lê di nîveka duyemîn de jî atakên Munîhê zêde bûn û di deqîqeya 83'yan de gihîştin encamê. Di vê deqîqeyê de Muller li ser navê Munihê gol avêt û maç bû 1-0. Tam êdî maç bi dawî dibû li ser navê Chelsea Drogba got me hê gotina xwe negotiye û 90 deqîqe maç bi 1-1'ê bi dowî bû. Di demdirêjê de derfeta serketinê ket destê Munihê. Di deqîqeya 93'yan de li nav sehaya ber qeleyê Drogba lîstikvan Ribery li erdê xist û hakêm ji bo penaltiyê li fîfikê da. Lîstikvanê Munihê Robben nekarî golê biavêje û 30 deqe dema dirêj a maçê jî bi wekhevî bi dawî bû û maç derbasî avêtina penaltiyan bû.

Ji Munihê Lahm, Gomez û qeleparêz Neuer karî penaltiyan biavêjin û li ser navê Chelsea jî Luiz, Lampard, Cole û Drogba ji penaltiyan gol avêtin. Ji Bayern Munih Bastian Schweinsteiger penaltiya dawî avêt lê nekarî gol biavêje. Piştî wî ji  Chelsea, Drogba hat ber gogê, gol avêt û Chelsea bi ser ket.