Diyarname
Li Silêmaniyê danasîna pirtûka ‘Dengbêj Şakîro’ hat kirin. Rêjen Hesen pirtûk bi soranî amade kiriye.
Li hola Xak a li Silêmaniyê pirtûk hat nasandin. Gelek kes beşdarî nasandina pirtûkê bûn.
Pirtûka ‘Dengbêj Şakîro’ ji aliyê Omer Guneş û Îbrahîm Şahîn ve bi kurmancî hatibû amarekirin û pirtûk ji Nûbiharê derketibû.
Waliyê Silêmaniyê Heval Ebubekir û nivîskar-wergêr Rêjen Hesen di çalakiya nasandina pirtûkê de axivîn.
Nivîskar Rêjen Hesen ji bo Rojnews’ê wiha gotiye: “Ev pirtûk wê ji bo ew kesên ku dixwazin di derbarê dengbêjî û muzîkê de lêkolîn bikin wê bibe çavkaniyek gelek baş. Ji bo naskirina bûyerên dîrokî yên ku dengbêj Şakîro di stranên xwe de aniye ziman jî rêyeke baş e. Armanca wergerandina pirtûkê ew e ku muzîkjen û hunermendên Başûr bi dengbêjên Bakur û Rojavayê Kurdistanê bidin nasîn.”