Diyarname

Li paytexta Hollanda Denhakê bi çalakiyeke Cejna Zimanê Kurdî hate pîroz kirin. Pîrozbahî ji aliyê komîteya Beneluxê ya Pena kurd ve li Mala Gel hate li dar xistin. 

Çalakî ji du beşan pêk hat; Di beşa yekem û de panel li dar ket û di beşa duyem de helbest hatin xwendin,stran hatin strîn.

Di panela ku Rêşad Sorgul, Ronî Stêrk, Fatma Şik û Avesta Aydin wekî axifger beşdar bûn de li ser ziman axivîn.

Ji axifgeran Rêsad Sorgul li ser rewşa asîmîlasyonê sekinî û got: "Berî li nav kurdan axaftina tirkî wekî şerm dihate dîtin, lê niha êdî şerm dikin bi zimanê xwe biaxivin." Sorgul bal kişand ser girîngiya perwerdeya bi zimanê dayikê û paşê wisa got, "Kurd bi destê xwe zarokên xwe dibin datînin ber destê mamosteyên dagirkeran. Dagirker wan li gor pergala xwe perwerde dikin."

Fatma Şik jî behsa xebatên li ser zimanê kurdî yên li Swîsreyê kir: "Li hemî kantonan meclisên me yên ziman hene, em hewl didin li wan kantonan zimanê kurdî bikin zimanê fermî."

Ronî Stêrk bal kişand ser derfetên ji bo kursên kurdî yên li Almanya heyî û ev yek lê zêde kir: "Li Almanyayê hin li herêman mamosteyên me yên fermî hene. Mamosteyek almanî çiqas fermî be yên me jî wisa ne. Li dora sêsed xwendekar û 33 mamosteyên me hene, em bi fermî karê xwe dikin û ev mamoste nanê kurdî jî dixwin, an go miaşê mamosteyek almanî çiqas be yê me jî ew qas e. Em wekî Pena Kurd hewl didin li Hollanda û Belçîkayê jî heman pergalê bidin rûniştandin."

Avesta Aydin jî behsa rola jinê ya di ziman de kir.

Di beşa duyemîn de 

Şahiyê di beşa duyem de Încîl Selçûk, Kejal Nûrî û Stêr Neco jî helbest xwendin.

Dûre Zeyneba Mêrdînî bi klamên xwe, Halil Akinci, Talib Resûl û Seeûşen jî bi stranên xwe reng dan çalakiyên.

**

Îsal Hin Nûçeyên Li ser Cejna Ziman:

- Enstîtuya Kurdî bawername da mamosteyên zimanê kurdî 

- 'Dibêjin tu vî zimanî hîn bibî dê bi kêrî çi bê? 

- Ji bo Cejna Ziman du çalakî 

- 12 sazî: Heta kurdî bibe zimanê fermî û perwerdeyê, em ê têkoşîna xwe bidomînin 

- HDP'ê Cejna Zimanê Kurdî pîroz kir 

- Ji bo Cejna Zimanê Kurdî jin li kuçeyê bûn 

- Ji bo Cejna Ziman panelek: 'Wêjeya kurdî û derbiderî'