Diyarname

Amed Sporê bi ser hesabê xwe yê tora civakî re ragihand ku vê dawiya hefteyê di maça ligel Menemenê de temaşevanên wan dikarin bên temaşe bikin.

Amed Spor ku mafê bi destxistina maçên Play-offê bi dest xistiye, maça dawî dê li Îzmîr Menemenê ligel Menemen Sporê bilîze.

Amed Sporê bi ser hesabê xwe re ragihand ku maça wan 20'ê mehê saet 15.00'an de li Stada Bajêr a Îzmîr Menemenê ye û bilêtên tîma mêvan jî bi 40 TL'yî ne. Yên bixwazin temaşe bikin roja maçê li gîşeyên stadê dê bikaribin bilêtan bikirin û herin maçê.

Ev bi salan e her qedexeya deplasmanê li ser Amed Sporê hebû. Di maça dawî ya lîgê ev qedexe rabû. Û di dema ku li Tirkiyeyê hilbijartina serokomarî ji bo dora diduyan maye de... 

Li bin hesabê Amed Sporê ku ev agahî belav kiribû de gelek tişt hatin gotin. Hinan qala provakasyonê kir, hina qala dengdana Kiliçdaroglu kir, hinan wisa nivîsî, "Ji bo em li maça Play-offê ceza bixwin ev biryar dane."

***

Nûçeya Eleqedar:

- Amed Sporê mafê play-offê bi dest xist