Diyarname

Amed Sporê îro li mala xwe tîma Duzce Sporê kir mêvan û bi 4-0 bi ser ket. Bi vê yekê berî lîg bi dawî bibe bi hefteyek Amed Sporê mafê beşdariya play-offê bi dest xist.

Di maça li Amedê de Yasin Abbasoglu di deqîqeya 43'yan de golek avêt. Deqeya 47 û 70'ê de jî gol avêt û hat-trick kir. Di deqîqe 90 de Çekdar Orhan encam diyar kir: 4-0. Bi vê yekê pûanên xwe derxistin 60 û di rêza sêyemîn de cih girt.

Di Lîga Duyemîn Koma Spî de Çorum bi 76 pûanan şampiyoniya xwe ragihand. Şanliurfa ku li Afyonê bi 3-2 bi ser ket bi 72 pûanan di rêza duyemîn de ye. Şanliurfayê jî mafê playofê bi dest xistiye.

Erokspor dirêza 4'emîn de xwedî 59, dûre Ankara Spor 57 û 24 Erzîncan spor bi heman pûanî di rêza 6'an de ye. 

Li gor rêziknameyê yekemîn raste rast diçe lîgek jortir. Di Koma Spî de Çorum Spor, di Koma Sor de jî Kocaeli bû şampiyon û derbasî lîga jortir (Lîga 1'emîn). 5 tîmên li dû play-ofê dilîzin. 

Maç jî bi vî awayî dibin:

Di Dora Yekemîn de 3'yemîn û 6'emîn, 4'emîn û 5'emîn bi hev re dilîzin. 2'yemîn di Dora Yekemîn de nalîze, raste rast derbasî Dora 2'yemîn dibe. Tenê maçek tê lîstin û serketî derbasî dora diduyan dibe.

Di dora diduyan de du maç têne lîstin. Di dora duyemîn de tîmê bi ser bikeve dibe reqîmê tîma ku di lîgê de bûbû duyemîn. Di Koma Sor û Spî de heman awa didome. Di vê dorê de tenê tîmek bi ser dikeve û ji her du koman tîmek diçe dora 3'yemîn.

Di dora 3'yemîn de dîsa du maç têne lîstin. Tîmên bi ser bikevin (tîmek ji Koma Sor yek ji Koma Spî) di fînalê de têne hemberî hev. Kîjan bi ser bikevi derbasî Lîga 1'emîn dibe. Bi kurtahî di Koma Spî û Koma Sor yekemîn dibin şampiyon, wekî tîma sêyemîn jî şampiyonê play-offê dibe lîga jorîn.