Diyarname

Di Lîga Ewropayê wekî Kûpa 2 jî tê gotin maçên dawî yên çarîk fînalê îşev in. Di Kûpa 3 ku Lîga Konferansê ye di wir de jî heman tişt heye. Îro nîv fînalîstên van her du maçan jî dê diyar bibin.

LÎGA EWROPAYÊ

Tîma îtalî Roma ku li Feyenoordê bi 1-0 têk çûbû li mala xwe dê bikeve dû bilêta nîv fînalê.

Union Saint-Gillioise tîma alman Leverkusenê dike mêvan ku maça yekem bi 1-1'ê bi dawî bûbû. Sevilla jî tîma îngilîz Manchester Unitedê dike mêvan ku maça yekem bi 2-2'yê bi dawî bûbû.

Û maça din di navbera Sporting Lizbon û Juventusê de ye. Maça li îtalyayê bi 1-0 bi serketina Juventusê bi dawî bûbû.

Li gor saeta Amedê hemû maç saet 22.00'an de têne lîstin.

LÎGA KONFERANSÊ

Di Lîga Konferansê de Fiorentina tîma Lech Poznanê dike mêvan. Di maça yekem de Fiorentina bi 4-1 bi ser ketibû û li mala xwe aram e. 

Anderlecht ku di maça yekemîn de bi 2-0 bi ser ketibû bi vê avarajê diçe AZ'yê. Ev her du maç saet 19.45'an de dest pê dikin.

Wes Hat United tîma Gentê dike mêvan ku maça yekem bi 1-1'ê bi dawî bûbû. Nice jî Baselê dike mêvan ku maça yekem bi 2-2 bi dawî bû. Her du maç saet 22.00'an de ne.

Serketiyên maçan dê derbasî nîv fînalê bibin.

***

Nûçeya Eleqedar, maçên duh:

- Nîv fînalîstên Lîga Şampiyonan diyar bûn