DiyarName.Com

Ger îtîraz neyên qebûlkirin 4 berendam hene

Diyarname

Ji bo Serokomariya Tirkiyeyê berendam diyar bûn. 4 kes derketine holê ger îtîrazên muxalefetê neyên qebûlkirin.

Ji bo berendamtiya Serokomariya Tirkiyeyê roja 22'yê adarê berhevdana îmzeyan dest pê kiribû. Di vê demê de heta niha tenê Muharrem Înce û Sînan Ogan karîn 100 hezar îmzeyan berhev bikin ku ji bo berendamtî ew qas lazim in.

Kesên dixwestin bibin berendam ev îmze dan hev:

- Muharrem İnce: 114 hezar û 661

- Sinan Ogan: 111 hezar û 508

- Muhammed Ali Fatih Erbakan: 69 hezar û 255 (Ji ber beşdarî "Cumhur İttifaki" bû ji berendamtî vekişiya)

- Dogu Perinçek: 27 hezar û 61

- Yakup Turkal: 3 hezar û 137

- Erkan Trukten: 2 hezar û 589

- Tevfik Ahmet Ozal: 1544

- İrfan Uzun: 1263

- Halil Murat inver: 538

- Hilmi Ozden: 478

- Davut Turan: 122

Bi vî awayî Muharrem Înce û Sinan Ogan bûn berendamên serokomariyê. Ji bilî van "Îtîfaqa Milet"ê Serokê CHP'ê Kemal Kiliçdaroglu nîşan dabûn. "Îtîfaqa Komarê" jî Serokê AKP'ê Recep Tayyip Erdogan wekî berendam nîşan dan.

Muxalefet bi gotina "Li gor Zagona Bingehîn kesek 3 carna nikare bibe berendam" dijî Erdogan derdikeve. Heta niha Partiya DEVA û hin partiyên din bi awayekî fermî serî li YSK'ê (Lijneya Bilind a Hilbijartinê ya Tirkiyeyê) dane ku berendamtiya Erdogan qebûl neke. Îyî Partî jî gotibû piştî berendam di Rojnameya Fermî de bêne eşkere kirin wekî etîk ewê îtîraz bikin.

Ev agahî 28'ê mehê di Rojnameya Fermî de dê bêne weşandin.

Nûçeyên Eleqedar:

- Farqînî, Aktar, Candemîr û pêşberendamên din

- Huda-Par û YRP'ê jî biryara xwe dan

- Pisûlaya Îtîfaqa Ked û Azadiyê diyar bû

- Wê çend kes deng bikar bînin? YSK'e eşkere kir

- Hûnê li ku dengên xwe bidin? Dema kontrolê ye

- Hilbijêrên li derveyi Tirkiyeyê divê çi bikin?

- Li ser îtîfaqan YSK'ê rêgezên xwe eşkere kirin

- Îtîfaqa Ked û Azadiyê bi yek lîsteyê dikeve hilbijartinê

- Mexdûrên erdhejê dê çawa di hilbijartinê de deng bidin?

- Bi 25 pirs û bersivan hilbijartina îsal