Diyarname

"Maseya 6 Ling" wekî Îtîfaqa Milet tê zanîn berendamê xwe yê ji bo Serokomariya Tirkiyeyê eşkere kir: Serokê Giştî yê CHP'ê Kemal Kiliçdaroglu. Piştî eşkerekirinê gelek bertek hatin. Hevserokê HDP'ê Mithat Sancar berendamtiya Kiliçdaroglu pîroz kir û got, "Em li bendê ne ligel me jî biaxive." Kî çi got, me ew dan hev.

Serokomarê Tirkiyeyê û Serokê AKP'ê Recep Tayyip Erdogan îro piştî civîna Lijneya Wezîran got ku 10'ê adarê emê rayeya Zagona Bingehîn daye wan bikar bînin û biryara hilbijartinê bidin.

Li gor vê yekê hilbijartin dê 14'ê gulana 2023'yan li dar bikeve.

Û niha berendamê Îtîfaqa Milet amade ye: Kemal Kiliçdaroglu. Ji bo Kiliçdaroglu kî çi got? Me ew dan hev...

- Hevserokê HDP'ê Mithat Sancar:

Bila pîroz be. Em li bendê ne ligel me jî biaxive. Em dixwazi di dora yekemîn de ev kar çareser bibe. Di vî warî de emê bi awayê erênî nêz bibin. Hedefa me demokrasî, edalet, azadî ye. Em dixwazin li ser rêgezên xwe biaxivin.

- Hevserokê berê yê HDP'ê Selahattin Demirtaş:

Bila pîroz be. Em li HDP'ê jî li berda wî ne.

- Serokê TÎP'ê Erkan Baş:

Ez berendamtiya Kemal Kiliçdaroglu pîroz dikim û serketinê dixwazim.

- Seroka îyî Partî Meral Akşener a ku berê dijî berendamtiya Kiliçdaroglu bû: Emê bi vîna gelê me dîrokê binivîsin.

- Şaredarê Bajarê Mezin ê Stenbolê Ekrem Îmamoglu:

Di bin pêşengiya Serokê me yê Giştî Kiliçdaroglu de wekî Îtîfaqa Milet emê bigihin ew siberoja ronahiyê ku her ferdekî me vê yekê heq dike.

- Şaredarê Bajarê Mezin ê Enqereyê Mansur Yavaş:

Bi hev rebûyînê de rehmet heye, bereket heye. Ji bo tevecuha Serokê me yê giştî em sipas dikin. Em hemû bi hev re, bi dilgeşî em derbasî sedsala duyemîn a Tirkiyeyê dibin.

- Serokê Partiya DEVA Ali Babacan:

Wekî ku hemwelatiyên me yên bi saetan di wê sermayê de li benda bidawîbûn civînê bûn û gotin 'Emê bibin yek û bi ser bikevin.' Ji bo Tirkiyeyê niha dema bi hev ve girêdanê ye. Êvara hilbijartinê emê îmzeyê biavêjin bin serketina dîrokî.

- Serokê TDP'ê Mustafa Sarigul:

Ji bo vê serdema derbasbûna demek nû berendamê herî guncan Kemal Kiliçdaroglu ye. Ez jêre serketinê dixwazim.

- Wekîlê Serokê Koma AKP'ê Bulent Turan:

CHP ku tenê di dema yek partîtî û derbeyan de bûye desthilatdar. Berendamtiya Serokê CHP'ê li navenda SP'ê ku qaşo nûnera Mîllî Goruşê ye ji bo SP'ê eybeke dîrokî ye.

**

Nûçeya Eleqedar:

- Maseya 6 Ling ji nû ve bi 6 kesan civiya 

- Akşener dijî Kiliçdaroglu derket