Diyarname
'Gorewilk' an jî 'Werşek' ji malbata "Pisîkan" in û li dinyayê cisnê wan ber bi têkçûnê ve ye. Lê niha 3 heb ji wan li Dêrsimê hatin dîtin.

Îsal li gelek bajaran zivistan xidar derbas dibe. Li Dêrsimê jî. Ji ber vê xidariyê gelek sewalên kovî ji ber xwarinê nabînin ber bi cihên mirov lê dijîn ve tên. 3 "Werşek"ên ku li Newala Pulumura Dêrsimê hatin dîtin jî ji wan in. Werşek nifşê wan ber bi têkçûnê ve ye. Dîtina wan a li Dêrsimê ji aliyê parastina Newala Mûnzûrê ve jî girîng e. Li vê newalê ku gelek cisnê sewalan hene, werşek jî cureyek ji wan e. Li aliyekê ev xwezaya xweşik û gelek cureyên sewalan, li aliyê din digel ku "Parka Neteweyî" bi awayekî fermî hatiye ragihandin jî dewlet dixwaze li wê derê bendavan çêbike.
Werşek bi giştî bi roj nayên dîtin, lê ji ber birçîbûnê wan jî di nav rojê de ew jî li xwarinê geriyan û nêçîrvanan ew dîtin.