Diyarname

Vê hefteyê 8 fîlm hene. Didu jê anîmasyon in. Tenê yek fîlmê tirkî ye. Ji van du fîlm zêdetir derdikevin pêş "Rebel" û "Medole 77".

"Rebel"

"Rebel" wekî "Asî" wergerandine û xistine vîzyonê. Fîlmê derhêner Adil El Arbi û Bilall Fallah li Festîvala Cannesê jî hatiye nîşandayîn. Aboubakr Bensaihi, Lubna Azabal, Amid El Abri û serlîstikvanên fîlm in.

Çîroka fîlm bi vî rengî ye: Kamal ji Belçîkayê dikeve rê û ji bo alîkariya mexdûrên şer tê Sûriyeyê. Dema digihîje wir mecbûr dimîne beşdarî çekdaran bibe û li Reqayê ew bi tenê tê hiştin.

Çekdarên radîkal bi gotina dê Nassimî bigihîjin birê wî Kamal wî dixapînin. Diya wan Leyla ji bo zarokê xwe yê biçûk ku ê tenê di dest maye biparêze ber xwe dide.

"Modelo 77"

"Modelo 77" wekî "Mahkum 77" wergerandine û pêşkêş kirine.

Derewan li Jimarkarekî ciwan Manuel dikin û ji ber sûcê ku nekiriye tê girtin. Ji nişke ve 20 sal cezaye hepsê lê dibirin. Salên 1976/77 salên La Transicion a Spanyayê ku ji bo wan salên guherînê û derbasbûna demokrasiyê ne.

Ji ber ku îşkenceyên li girtîgehê Manuel li girtîgehê dibe pêşêngê tevgera berxwedêr a girtiyan û têkoşîn dest pê dike.

Fîlmê Alberto Rodriguez li Festîvala San Sebastianê jî hatiye nîşandayîn. Di fîlm de Miguel Herran, Javier Gutierrez, Fernando Tejero û Jesus Carroza dilîzin.

Va ne hemû fîlmên hefteyê:

- Shazam: Fury of the Gods / Derhêner David F. Sandberg

- Modelo 77 / Derhêner Alberto Rodriguez

- Rebel / Derhêner Adil El Arbi, Bilall Fallah

- Kindred / Derhêner Jamie Patterson

- Norm of the North: Family Vacation / Derhêner Anthony Bell / Anîmasyon

- Pattie et la Colere de Poseidon / Derhêner David Alauks / Anîmasyon

- Haris / Derhêner Kadir Genç