Diyarname

Li Belarusê xelatgirê Xelata Nobelê yê Aştiyê aktîvîst Ales Bialiatski bi 10 sal cezayê hepsê hat cezakirin.

Bialiatsk li Belarusê avakarê Rêxistina Mafên Mirovan Viasna bû. Rêxistinê got ku ligel Bialiatski ligel 3 rêveberên jorîn ên rêxistinê bi sûcê protestoyên dijî hikumetê hatine sûcdarkirin û roja înê 10 sal ceza li Bialiatski birine. Li rêveberên din Valentin Stefanoviç, Vladimir Labkoviç û Dzmitry Salauyou di navbera 7 û 9 salan de ceza li wan birine. 

Di sala 2020'î, di dema hilbijartina Serokomarî ya Belarusê de protesto hatibûn kirin. Protestokaran Aleksandr Lukaşenko ku ji nû ve hatibû hilbijartin protesto kiribûn. Gel daketibû kuçeyan. Wê çaxê ji 35 hezarî zêdetir çalakger hatibûn binçavkirin. Bialiatski, Stefanoviç û Labkoviç bi îdîaya piştgirî dane çalakgeran tên sûcdarkirin û piştî çalakiyan hatin girtin. Wê demê Salauyou berî bê girtin ji welat reviya.

Rêbera muxalefetê Svetlana Tikhanovskaya bi gotina "sûca bêedaletiyê ye" şirove kir.

Bialiatski di sala 2021'ê de hat girtin, di sala 2022'yan de Xelata Nobelê ya Aştiyê girt.