Diyarname
Îro Roja Hemşîreyan a Navnetweyî ye. Li hin welatan ev yek wekî Hefteya Hemşîreyan tê pîrozkirin. Di warê tenduristiya mirovan de rola hemşîreyan gelek girîng e. Em jî vê rojê li wan pîroz dikin û balê dikişînin ser wan.
Vane hin agahî:
Roja Hemşîreyan a Dinyayê 12'yê gulanê tê pîrozkirin. Ev roj roja rojbûna Florence Nightingale e loma vê rojê tê pîrozkirin. Florence Nightingale di 12'yê gulana 1820'an de li Floransayê hatiye dinê û di 13'yê gelawêja 1910'an de li Park Lane ya Londona Îngilistanê miriye. Ew wekî avakara hemşîretiya hemdem tê hesibandin loma ev roj li ser navê wê tê pîrozkirin. Li hinwelatan di navbera 6-12'yê gulanê de tê pîrozkirin.
Sonda hemşîreyan
Wekî doktoran sonda hemşîreyan jî heye. Ev sond ji aliyê Lystra Gretter ve di sala 1893'yan de hatiye nivîsandin û ji wê rojê de hemşîre dema xwendina xwe temam dikin bi xwendina vê sondê dest bi karê xwe dikin. Piştî salan hin guhartinên biçûk di sondê de hatine kirin û şiklê îro çêbûye. Di sondê de hemşîre jî wekî doktoran bêyî li nijad, bawerî û rewşa siyasî ya mirovan binêrin karê xwe dikin.
Avustralya
Li Avustralyayê her bi mesarimek hemşîreyeke wekî Hemşîreya Salê tê hilbiartin û tê xelatkirin. Ji bilî vê li eyaletên Avustralya di nav hefteyê de pîrozbahî têne kirin.
Çîn
Li Çînê her sal hemşîre ji nû ve sond dixwin û dest bi karê xwe dikin.
Qraliyea Yekbûyî
Li Dêra Westminster a Londona Qraliyeta Yekbûyî her sal ji bo vê rojê mesarim li dar dikeve. Di dema merasimê de ji Şapela Hemşîre ya li Abbey bi awayekî sembolîk lembeyek tê girtin, hemşîreyek wê dide yeka din û herî dawî digihînen Dekan û qurbana mezin datînin ser. Ev yek "agahiya hemşîretî ji yekê derbasî yeka din dibe" temsîl dike. Her sal yekşema piştî rojbûna Florence Nightingale li Dêra Margaret a li East Wellow ku li bajarê Hamsphire ye tê lidarxistin. Ku ev bajar bajarê ku gora Nightingale lê ye ye.
DYA û Kanada
Li Dewletên Yekbûyî yên Amerîkayê û li Kanadayê jî her sal di navbera 6-12'yê gulanê Hefteya Hemşîreyan a Neteweyî tê pîrozkirin.
Li DYA'yê ev merasima di sala 1954'an de dest pê kir, li Kanadayê ev pîrozbarî sala 1985'an dest pê kir û heta îro didome. Tirkiye Her ku mesele Tirkiye ye, hemşîre ne bi têra xwe xwedî qîmet e û di warê meaşê de jî rewşa wan nebaş e. Hemrîşeyên li Tirkiyeyê berî her tiştî dixwazin asta meaşê wan bê zêdekirin. Her wiha bi deh hezaran hemşîreyên ku li bendê ne kadroya wan bê eşkerekirin hene.
Sonda hemşîreyan ku Florence Nightingale amade kiribû.