Cemil Oguz

Vê hefteyê du fîlm li vîzyonê ne her du jî balkêş in: "Indiana Jones û Kraliyeta Qefika Kristal" û "Keça Boleyn".

Vê hefteyê ji aliyê sînemayê ve bêdengiyeke heye. Tenê du fîlm li vîzyonê ne. Lê divê em bibêjin her du jî hêjayî temaşekirinê ne. Yek jê ji "Keça Boleyn" ji ber ku kêliyeke dîrokê jî pêşkêş dike û di heman demê de bi lîstikvan û kişandina xwe ve serketî ye hêjayî temaşekirinê ye, yê din jî bi maceraya xwe...
Fîlmê me yê yekemîn "Keça Boleyn" e. Em diçin Brîtanyayê.

Ji Kral Henry re zarokek kurîn çênabe, dema zarokek kurîn çênebe dê kî piştî wî bibe kral û welat bi rê ve bibe? Û ji ber ku jina wî nikare kurikek bide wî, jina xwe sar bûye. Di gereke de rastî keça Boleyn tê.
Keça Boleyn Mary Boleyn di çardeh saliya xwe de dema wekî keçikeke mehsûm tê qesra qraliyetê ji xweşikiya wê Kralê 7'emîn Henry sergêj dike. Mary jî li hemberî eleqeya kral bêleqe nasekine û her ku diçe zêdetir jê hez dike; Bêşik di encamê de dibe kralîçeya qesrê lê ya bê tac.
Bi demê re eleqeya qral a li hemberî Mary winda dibe, vê carê eleqe bi ser xwişka Mary, Anne ve diçe.

Ji aliyê din bav û apê keçikan ji bo li qesrê bibin xwedî nav û payeyê dixwazin keçik û kral bidin û bistînin, bi ser de wan teşwîq jî dikin.

Mary bi azwerî ji qral hez dike, Anne jî ji dil û reqabeta di navbera wan de didome. Lê di heman demê de her du xwişk ji hev jî hez dikin û bi hev re girêdayî ne. Rastî ev e: Ev girêdan jî dê nikaribe wan rizgar bike...
Fîlm, hezkirina wan, têkiliyên di qesrê de, serobino bûna serdemeke Brîtanyayê, çavbirçîbûna malbatekê, bi kurtahî serdemeke Brîtanyayê pêşkêş dike.

Heta niha li ser qraliyeta Brîtanyayê gelek pirtûk hatin nivîsandin û gelek fîlm hatin kişandin. Romana "Keça Boleyn" jî yek ji wan e ku ji aliyê Phillippa Gregory ve hatiye nivîsandin. Ev fîlm jî bi heman navî, ji heman romanî hatiye girtin ku roman heta niha bi têra xwe hat firotin, di nav pirtûkên ku zêde têne firotin de cih girt. Ji hilbijartina lîstikvanan heta lêmêzêkirina fîlm jî hemû ji bo zêde lê temaşekirinê hatiye eyarkirin. Populerbûna lîstikvanên bi navê Natalie Portman, Scarlett Johannson û Eric Bana jî jixwe vê yekê dide û fîlm dike populer. Digel her tiştî fîlm hêjayî temaşekirinê ye.

Boleyn Kızı / Keça Boleyn"
(The Othern Boleyn Girl)
 
Derhêner: Justin Chadwick
Lîstikvan: Natalie Portman, Scarlett Johansson, Eric Bana, Jim Sturgess
Cure: Dram / Romantîk
Sala Kişandinê: 2008

Ji bo fragmanê:

***

"Indiana Jones û Kraliyeta Qefika Kristal"
(Indiana Jones and The Kingdom of The Crystal Skull)
 
Derhêner: Steven Spielberg
Lîstikvan: Harrison Ford, Karen Allen, Cate Blanchett, Shia LaBeouf, John Hurt
Cure:  Aksiyon / Macera
Sala Kişandinê: 2008
 
Konseya Têkiliyên bi Derve re ji bo dîtina xezîneyê careke din vedigere ser axa ku li wê derê dest pê kiribû.
Lê '12 kevirên bi nirx ku her tiştî dibînin' pêdivî bi kevira 'Ephod' ku xwedî hêza hîpnotîk e dibîne.
Indiana Jones ku hîn dibe konsey xwedî fikreke wisa ye dikeve dû wan. Ji ber ku ger yek Ephodê bi dest bixe dê bibe xwedî hêzeke mezin ku kes nikare pê, dê şexsiyet biguherîne û bibe xwedî hêza bi rê ve birina dinyayê. Û bi vê yekê re jî dê bibe xwedî hêza ji nû ve dest pê kirina Şerê Ephod Armageddon.
Heta niha gelek beşên "Indiana Jones" hatin kişandin û ev fîlm beşa dawî ya vê seriyê ye. Her çiqas ji bo macerabûnê em temaşekirinê pêşniyaz bikin jî, yên ku ji macerayê hez nakin fîlm ne ji bo wan e.