Diyarname

Berî maçên Koma C ên 3’yemîn dest pê bikin  Polonya 4, Arjantîn 3, Erebistana Siûdî 3 û Meksîka xwedî pûanek bû. Wisa çêbû: Arjantînê Polonya bi 2-0 têk bir, Meksîkayê jî E. Siûdî bi 2-1 têk bir û Arjantîn bi 6 pûanan raste rast ji komê derket. Lê Polonya û Meksîka bûn xwedî 4 pûanan, bi avaraja golek Polonya ligel ku têk çû jî derbasî Dora 16’an bû.

Arjantîn bi 2 golan firiya

Arjantîn li hemberî Polonyayê heta dawî serdest bû. Hema bêje qeleparêzê Arjantînê hew mabû bêriya gogê bike. 

Di maçê de her çav li ser Messi bûn. Messi bi têra xwe di nav hewldanan de bû jî, lê di deqîqeya 39’an de penaltiya bi dest xist nekarî veguherîne golê û nîveka yekemîn bi 0-0’ê bi dawî bû. Di destpêka nîveka duyemîn de hê deqeyek maç nehatibû lîstin Aleksis Mac Allister derket sehneyê û tîma xwe bi 1-0’ê derxist pêş. Vê yekê can û rih da Arjantînê. Di deqîqeya 67’an de jî Julian Alvarez encam diyar kir: 2-0.

Di maçênKoma C de Tûnûsê tîma Fransa bi 1-0’ê têk bir, lê ev yek bo wan têr nekir. Avustralyayê jî Danîmarka bi heman encamê têk bir. 

Di vê komê de Fransa bi 6 pûanan wekî yekemînê komê Avustralya jî bi 6 pûanan wekî duyemînê komê derket Dora 16’an.