Diyarname

Li bajarên kurdan îro ji bo Baroyên Amed, Dêrsim, Wan, Riha û Semsûrê hilbijartin hebû û rêveberiyên nû hatin hilbijartin. Va ne ew agahî.

AMED

Baroya Amedê 48”emîn Kongreya Xwe ya Asan pêk anî. Ligel Serokê niha Nahit Eren, Muhlis Ogurgul û Cengiz Baysal ji bo serokatî berendam bûn. Di kongreyê de 2 hezar û 49 parêzerên hilbijêr hebûn. Baroya Amedê bi ser hesabê xwe yê twitterê re wisa encam ragihand “Li gor encamên ne teqez parêzer Nahit Eren carek din ji bo serokatî hat hilbijartin. Li gor encamên ne fermî Eren 872 deng, Ogurgul 656 deng, Baysal 32 deng girtine.

Serokê Baroya Amedê Nahit Eren bi 872 dengan carek din ji bo serokatî hat hilbijartin.
***

WAN

Li Wanê 28”emîn kongreya baroyê li dar ket. Sê berendam ji bo serokathi hebûn, Sinan Ozaras, Hamza Çiftçi û Turan Ece. Parêzer Sinan Ozaraz 427 deng girtin û bhu serokê baroyê.
***

DÊRSIM

Baroya Dêrsimê 12’emîn Kongreya xwe li dar xist. Bi yek lîste hilbijartin li dar ket û Fatma Kalsen ji bo serokatiya baroyê hat hilbijartin.
***

RIHA

Li Rihayê Baroyê 36’emîn kongreya xwe lidar xist. 6 berendam hebûn. Di hilbijartinê de Abdullah Oncel bi 335 dengan bû Serokê Baroya Rihayê. Halil Olgun 275, Mehmet Velat Îzol 228, Eyup Sabri Taş 126 û Bulent Kurt 106 deng girtin.
***

SEMSÛR

Li Semsûrhe 36’emîn kongre li dar ket. Serokê heyî Bilal Dogan bi 182 dengan carek din ji bo serokatî hat hilbijartin. Berendamên din Abuzer Yaşar 118, Şeyho Saya jî 96 deng girtin.