Diyarname

Swêd de weçînayiş viraziya û ferqêke qickek biyanê blokanê rastgiran û çepgiran de esto. La partiya Partiya Sosyal Demokratan ke serokê cay Serokwezîra Swêdî Mangdalena Andersson e bî yewîn e. Ene partî sera 29,3 rey girotî û bî yewîne. Weçînayîş de 6 kurdî jî qeybî mebûsî hamey weçînayişî.

Rocê 11'ê aşme weçînayiş viraziya.7 mîlyon û 770 hezar tenî çî veng da. Gorey televîzyonê dewletê SVT ra blokê çep ra PArtiya Sosyal Demokrate biya yewîne. Enî blokî de MP (Partiya Keskan û Hawirî) 5,8, Partiya Çep sera 7 rey girota. PArtiya Navendî ke verî weçînayişî vat ke go miyanê blokê rastî de ca nêgîro, go çepan dir hereket bikero seda 7,7 rey girotî.

Weçînayix de SD (Partiya Demokratan a Swêdî) bal ant serê xwu ke, partî bi sera 20,6 bî partiya diyinan. SD di weçînayişê serey 2018'inan de bi sera 18 bîbî partiya hîriyine. Ene partî rastgir a, dijê şarê biyanî ê ke Swêd de yê polîtîkayan virazena.

Gorey agahî hamey virakerdişî bloka rastgir sera 49,2 (173 mebûsî), bloka çepgir jî sera 49,8 (176 mebûsî) rey girotê. Meclise de 349 kursî estê.

Mebûsê kurdan

Gorey weçînayişî ra mebûsê kurdî Parti Demokratan ra Sara Seple, Partî Sosyal Demokratan ra Kadir Kasirga, Lawên Rêdar û Serkan Kose, Partiya Lîberalan ra Gulan Avci hamey weçînayişî.

Gorey yeno heysiyayişî go reyna koalîsyon viraziyo. Serokwezîra enkay Mangdalena Andersson neyna qeybî viraştişê hikumetî go biko miyanê helwdane û hikumet virazo.