Diyarname

Festîvala Fîlman a Porteqala Zêrîn ku ji aliyê Şaredariya Bajarê Mezin a Antalyayê ve tê organîzekirin îsal 59’emîn car li dar dikeve. Dema serîlêdanê ya festîvala îsal bi dawî bû û hejmara fîlmên hatine şandin diyar bû.

Li gor daxuyaniya ku amadekarên festîvalê belav kiriye îsal ji bo beşa Fîlmên Metrajdirêj a Pêşbaziya Neteweyî 46 fîlmên metraj dirêj hatine şandin. Ji bo Pêşbaziya Belgefîlman 52 belgefîlm û ji bo Pêşbaziya Neteweyî ya Kurtefîlman jî 167 kurtefîl ji bo wan hatine şandin. Îsal dê bi temamî 940 hezar TL wekî xelat bê belavkirin.

Festîvalê îsal Pêşbaziya Senaryoyê ya Lêanîna ji Wêjeyê jî dabû dest pê kirin. Ji bo vê beşê 77 berhem hatine şandin. Senaryoya ji wêjeyê lê hatiye anîn a serketî dê bi 80 hezar TL bê xelat kirin. Di vî warî de ji bo xelata taybet a juriyê jî dê 40 hezar TL xelat belav bikin.

Festîvala îsal dê roja 1’ê kewçêrê dest pê bike û 8’ê kewçêrê bi dawî bibe.

Nûçeya Eleqedar:

- Seroka Juriya Porteqala Zêrîn diyar bû