Diyarname

59'emîn Festîvala Fîlman a Porteqala Zêrîn a Antalyayê îsal di navbera 1-8'ê kewçêrê de dê li dar bikeve. Niha Seroka Juriya Pêşbaziya Neteweyî ya Fîlmên Metrajdirêj diyar bû. Festîvalê ragihand ku dê derhêner Yeşim Ustaoglu Serokatiya Juriyê bike.

Derhêner, senarîst û sazkara fîlman Yeşim Ustaoglu di sala 1960'î de li Sarikamişa Qersê hatiye dinê. 

Ustaoglu di sala 1984'an de kurtefîlmekî bi navê "Bir ani yakalamak" kişand ^Fu bi vê dest bi sînemayê kir. Paşê hin kurtefîlmên din bi navê "Magnafantagna" (1987), "Duet" (1990) û "Otel" (1992) kişand. Lê Ustaoglu bi "Îz"ê navdar.

Wê di sala 1994'an de fîlmê xwe "Îz" kişand û bi vê li Festîvala Fîlman a Navneteweyî ya Stenbolê Xelata Fîlmê Herî Serketî girt. Bi vê navê wê derket. Paşê "Guneşi Yolculuk" (1998), "Bulutlari Beklerken" (2003), "Pandora'nın Kutusu" (2008), "Araf" (2011) û herî dawî "Tereddud" (2015) kişand.

Ustaoglu bi fîlmên xwe li nava Tirkiyeyê xelata fîlmên serketî, derhênera serketî girt, lê bi Guneşe Yolculuk li Festîvala Fîlman a Berlînê Xelata Fîlmê Herî Serketî yê Ewropayê û Xelata Aştiyê girt. Bi Bulutlara Beklerken jî li Sundanceyê xelat girt.