Hincal Uluç*

Duh serê sibê ez rabûm.. Helbest raste rast çûm pêş televîzyonê..
Li Efrînê çi bû, çi diqewime!.
NTV, CNN, Haber Turk, kanalê min hemû li dû hev...
Min tikand. Di her sêyan de jî bi nivîsa sor "Kêliya Dawî" nivîsiye...
Yanê dê agahiyên dawî ji operasyona Efrînê bidin min..
Na! Di her sêyan de jî nûçeyek nû, tenê rêzek, tenê peyvek nîn e. Jêrnivîsên şeva çûyî hê li wir in..
Bi nivîseke sor a mezin "Kêliya Dawî" nûçeyên 24 saet berê didin. Qet şerm jî nakin, aciz jî nabin... Ekran sor bûye, lê rûyê wan sor nabe (Di wateya 'Şerm nakin' de, nota werger)
Qet hay ji vê rezîlî jî nîn in. Ji ber ku ji nav wan yek tenê jî li ekrana xwe nanêre. Tenê yek ne li dû "rojnamegerî" ye... Ji nav wan yek jî nabêje, "Çav û bîra Tirkiyeyê li ser Tevgera Efrînê ye.. Vaye firsend ji bo me derket 'em nîşan bidin ku em kanalek çawa cuda ne'..."
Hemû kopiyên hev in... Kopiya rojnamegeriya xirab. Yek nivîsa sor "Kêliya Dawî" binivîse, yên din hema cih de teqlîd dikin..
Ew jî Kêliya Dawî dinivîsin.
Ew jî sor dinivîsin... Paşê bila ev nivîs li wir be, 24 saet heman nivîs, heman nûçe "Kêliya Dawî"..
Hûn bi miletê henekê xwe dikin, şerm bi we renîn e:
24 saetan nûçeya "Kêliya Dawî" dibe?
Bi ser de jî hûn kanalên nûçeyan in..
Efrîna ku gel meraq diçe çawa bû bûyereke din nîn e?. 24 saetan nûçeya kufik girtiye, bêhn daye bi hevokên hişkbûyî hûn didin, nûçeyek din ku gel meraq bike nîn e?
Kanalek nûçeyan 24 saetên xwe bi tenê nûçeyek ve girê dide?
Yên me girê didin.. Ji ber dema bûyerek wisa çêbibe ew derdikevin betlaneyê.. Hemû serwîs radizê.. Wê derê teslîmê stajyerek 15 salî dikin, nivîsa "Kêliya Dawî" carek tê nivîsin û ew li wir dimîne. Ew nivîs li wir her diherike...
Artêşa me ya mezin rêya Efrînê vedike.. 8 gund ji terorîstan bi paş ve tê girtin.. Ew ji sibê heta êvarê playstation dilîzin xwe nawestinîn nûçeya "Kêliya Dawî" ya rast binivîsin..
Artêş dikeve Efrînê, kanalên nûçeyan dikevin betlaneyê.
Tifî we! Nalet li we!. Piçek şerm bi we re heba dê çi biba!..
Binêrin ez hînê we bikim.. Dema operasyon dest pê bike hûnê bibêjin "Kêliya Dawî". Temam.. Lê piştî demeke din hûnê vegerin nûçeyan.. Mînak encama derbiya Voleybolê ya Fener _beşîktaşê, qezaya mirina çar xwendekaran a li Manîzayê, bandora operasyonê ya li dovîzê, hûnê van bidin.. Dema ev bi nivîsa sipî biherikin, ger ji Efrînê pêşketinek nû bê, hûnê wê, wê, belê tenê wê rêzikê bi nivîsê hûnê bidin, hemû ew qas..
Ev tê çi wateyê?.
"Ey temaşevanê min. Em kêlî bi kêlî Efrînê dişopînin. Nûçeyên herî nû em di dema xwe de didin we. Nûçeyên din ku hûn meraq dikin bi nivîsa sor em didin we ne nûçeyên 24 saetan in, nûçeyên nû ne ku ji Efrînê nû hatine, ev nûçeya dawî ye. Ji me veneqetin!." Di her sê kanalên nûçeyan ên mezin de ma kesê bixwaze rojnamegerî bike, yê bixwaze ferqet cuda pêşkêş bike nîn e? Çima hemû bûne artêşa tembelan ku xirabê xwe teqlîd dikin..

*Ji rojnameya SABAH'ê hatiye girtin.

Têbiniya Diyarnameyê: Ev rojname nêzî hikumeta Tirkiyeyê. Hikumeta Tirkiyeyê bi êrîşa li ser Efrînê re bi sedan rojnameger li Stenbolê civandin hişyarî da wan ku tiştek dijî operasyona li ser Efrînê nenivîsin, li gor berjewendiyên dewletê tevbigerin.