Diyarname

Yek ji pêşengên pop artê wênesazê amerîkî Andy Warhol di sala 1964'an de portreya lîstikvana navdar Marilyn Monroe çêkiribû. Ji bo firotina vê portreyê li Mezatxaneya Christie's a li New Yorka DYA'yê mezat çêbû û portre bi 195 mîlyon dolarî hat firotin (Bac jî têde).

Li gor nûçeya Reutersê portreya bi navê "Shot Sage Blue Marilyn" di nav berhemên sedsala 20'î ku derxistin mezatê de wekî berhema herî buha hat firotin. Berhema di koleksiyona galeriyên Thomas û doris Ammann ên swîsreyî de bû dihat texmîn kirin ku dê bi 200 mîlyon dolarî bê firotin. Lê bi 170 mîlyon dolarî, tevî bac û heqkirinên din bi 195 mîlyon dolarî hat firotin.

Ev yek di heman demê de buhaya herî bilind e ku dane tabloya hunermen dekî amerîkî. Berî vê berhemeke hunermendê amerîkî Jean-Michel Basquit di sala 2017'an de bi 110,5 mîlyon dolarî hatibû firotin û rekor di destê wî de bû.
FOTOYÊ MARILYN

Di sala 1953'Yan de fîlmê bi navê "Niagara" hatibû kişandin. Fotoyê lîstikvan Monroe wê çaxê hatibû kişandin û ev tablo ji ber wê fotoyê re hatiye çêkirin. Monroe di 4'ê gelawêja 1962'yan de întîxar kiribû û miribû. 

Wênesaz Warhol piştî mirina wê bi du salan gotibû ku ji bo bîranîna wê, ji bo mirina wê ya bê wext bixe nav rewşa bêmiriniyê ev tablo çêkiriye. Wênesazê amerîkî Andy Warhol ku gelek portre çêkiribû di sala 1987'an de miribû.