Diyarname

Kovara ‘Kurt Tarîhî’ ku sê mehan carek bi tirkî derdikeve hejmara xwe ya rêbendan-reşemî-adarê hinek bi derengî derxist. Di vê hejmarhe de meseleya di dema Osmanî de rewşa hemalên kurd ên li Stenbolê derketiye pêş.

Kovara “Kurt Tarîhî” di bin banê Weqfa Îsmaîl Beşîkçî de weşana xwe didomîne. Kovara ku bi tirkî dertê û carinan nivîsên bi kurdî jî belav dike bi hejmara xwe ya 47’an derket pêşberî xwendevanên xwe.

Kovarê di her hejmarê de dosyayeke amade dikir, di vê hejmarê de ji dêvla dosyayê sê nivîsên bi mijjarên xwe nêzî hev in hatine pêşkêş kirin. Ji van Ugur Bayraktar nivîsa “Li Sêrtê Yekdestiya Xwê”, Mehmet Polatel “Gundî li dijî Senyor in” û Tolga Cora jî bi navê “Notên li ser emeleyên kurd” nivîsa xwe pêşkêş kiriye. Her sê nivîs bi ser karker û xebatkarên wê derê re, rewşa wê demê vedibêjin.

Ji nivîsên din Firat Aydinkaya “Serhildana Şêx Seîd û Tereduda Mirinî ya Haco Axa” 

Firat Sozerî bi navê “Zare Aliyevna Yusupova” nivîseke li ser wê nivîsandiye. Yusupova ku bi navê xwe yê din Zare Elî ye, îsal roja 3’yê reşemiyê miribû. Ji bo vê yekê û ji bo nasandina wê nivîs portreya wê ya cihêreng pêşkêş dike. Li aliyê din Sozerî nivîsa Anjelika O. Pobedonostseva Kaya ku li ser Kurdolog Fyodor Rostoçin nivîsiye wergerandiye tirkî.

Rohat Alakom jî  li ser Biroyê Heskê Têlî lêkolîna xwe pêşkêş kiriye. Her wiha Ugur Dursun Adsiz jî bi sernavê “Di sala 1808’an de berhevkariya ferhengê ya li Gurcistanê hatiye kirin” nivîseke pêşkêş kiriye.

Lêkolîner Celal Temel bi navê “1916 Kurd Tehciri” (Sirgûnkirina Kurdan a 1916’an) pirtûkek weşadibû, Bahoz Şavata ligel Temel li ser pirtûkê û vê meseleyê hevpeyvînek kiriye. Her wiha Vahap Coşkun jî li ser pirtûka “Haymana Kurtleri” (Kurdên Haymanayê) nivîsek nivîsandiye.

Ji bo têkilî û xwestinê:

0541 391 8149

kurttarihi2017@gmai.com